ഒരു തിരി അത് സ്വയം കത്തിയെരിയുമ്പോളാണ് മറ്റുള്ളവര്ക്ക് പ്രകാശം പകരുന്നത്. സ്വര്ണ്ണം അണിയുന്നതിലും മേലേ അത് യഥാര്ത്ഥത്തില് സുവര്ണ്ണപൂരിതമാക്കി മഞ്ഞുമ്മല് ഇടവക. പ്രളയബാധിതരെ സഹായിക്കാന് മാതാവിന്റെയും ഉണ്ണീശോയുടെയും രൂപങ്ങളിലെ സ്വര്ണ്ണാഭരണങ്ങളാണ് കൊച്ചി മഞ്ഞുമ്മല് അമലോത്ഭവ മാതാ ദേവാലയം നല്കാനൊരുങ്ങുന്നത്.
വിശ്വാസികള് നേര്ച്ചയായി നല്കിയ സ്വര്ണ്ണം ഉപയോഗിച്ചാണ് 25 പവന്റെ ആഭരണങ്ങള് പണികഴിപ്പിച്ചിരിക്കുന്നത്. തിരുനാളിന് അണിയിക്കാനുള്ള 25 പവന് ആഭരണങ്ങളാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്കുന്നത്. ഇടവകയുടെ കേന്ദ്രസമിതിയുടെ തീരുമാനത്തിന് ബിഷപ്പിന്റെ അംഗീകാരത്തിന് കാത്തിരിക്കുകയാണ് ഈ ഇടവക സമൂഹം.
