ന്യൂഡല്ഹി: പ്രളയം ബാധിച്ച കേരളത്തെ പുനര്നിര്മ്മിക്കുന്നതിന് പ്രധാന മൂന്ന് ക്ഷേത്രത്തിലെ സ്വര്ണവും പണവും ഉപയോഗിക്കുവാന് നിര്ദ്ദേശിച്ച് ബിജെപി എംപി ഉദീത് രാജ്. തിരുവനന്തപുരം ശ്രീപദ്മനാഭസ്വാമി ക്ഷേത്രത്തിലേയും, ശബരിമല, ഗുരുവായൂര് ക്ഷേത്രങ്ങളിലേയും സ്വത്ത് എടുക്കുവാനാണ് എംപിയുടെ ശുപാര്ശ്ശ. ബിജെപിയുടെ ദളിത് നേതാവാണ് ഉദീത് രാജ്. ട്വിറ്ററിലൂടെയാണ് ബിജെപി എംഎല്എയുടെ പ്രതികരണം.
ഈ മൂന്നു ക്ഷേത്രങ്ങളിലുമായി ഒരു ലക്ഷം കോടിയിലധികം രൂപയുടെ സ്വത്തുണ്ട്. 21,000 കോടിയുടെ നഷ്ടം നികത്താന് ഇതിലൊരു ഭഗം ഉപയോഗിക്കാം. ജനങ്ങള് ഈ ആവശ്യമുന്നയിക്കണം. ആളുകള് മരിക്കുകയും രോഗബാധിതരാവുകയും ചെയ്യുമ്പോള് അത്തരം സമ്പത്തിന്റെ ഉപയോഗം മറ്റെന്താണെന്നും അദ്ദേഹം ട്വിറ്റ് ചെയ്തു.
നോര്ത്ത് വെസ്റ്റ് ഡല്ഹിയുടെ എംപിയാണ് ഉദീത് രാജ്. കഴിഞ്ഞ മാസമുണ്ടായ പ്രളയത്തില് നാനൂറോളം ആളുകള് കൊല്ലപ്പെട്ടിരുന്നു. ആദ്യഘട്ടമെന്ന നിലയില് കേന്ദ്രം 600 കോടിയുടെ ധനസഹായം പ്രഖ്യാപിച്ചിരുന്നു.
