ന്യൂഡല്ഹി: ബംഗാള് മുഖ്യമന്ത്രി മമത ബാനര്ജിയുടെയും ഒഡീസ മുഖ്യമന്ത്രി നവീന് പട്നായിക്കിന്റെയും മോര്ഫ് ചെയ്ത ചിത്രങ്ങള് ഫേസ്ബുക്കില് പ്രചരിപ്പിച്ച ബി.ജെ.പി പ്രവര്ത്തകനെ പോലീസ് അറസ്റ്റ് ചെയ്തു. ബാബുയ ഗോഷ് എന്ന ബി.ജെ.പി പ്രവര്ത്തകനാണ് അറസ്റ്റിലായത്.
തന്റെ ഫേസ്ബുക്ക് വാളില് തന്നെയാണ് ബാബുയ ഗോഷ് മമത ബാനര്ജിയുടെയും നവീന് പട്നായിക്കിന്റെയും മോര്ഫ് ചെയ്ത ചിത്രങ്ങള് പോസ്റ്റ് ചെയ്തത്. മാത്രമല്ല മമത ബാനര്ജിക്കെതിരെ അപകീര്ത്തി പരമായ പരാമര്ശവും ഇയാള് നടത്തി.
ബംഗാളിലെ ഷൗല വില്ലേജിലാണ് ബാബുയ ഗോഷ് താമസിച്ചിരുന്നത്. ബി.ജെ.പിയുടെ ജില്ലാതല നേതാവാണ് ഇയാള്. പല പ്രമുഖ ബി.ജെ.പി നേതാക്കളുടെയും ഒപ്പം ഇയാള് നില്ക്കുന്ന ചിത്രങ്ങളുമുണ്ട്. സംസ്ഥാന അധ്യക്ഷന് ദിലീപ് ഗോഷിനൊപ്പം നില്ക്കുന്ന പ്രതിയുടെ ചിത്രവും പുറത്തെത്തിയിരുന്നു.
ഒരു യുവാവിന് സമയത്ത് വിവാഹം നടന്നില്ലെങ്കില്, അയാള്ക്ക് ഭ്രാന്ത് പിടിക്കും. എന്നാല് ബംഗാളില് ഒരു പെണ്കുട്ടിക്ക് സമയത്ത് വിവാഹം നടന്നില്ലെങ്കില് എന്ത് സംഭവിക്കുമെന്ന് എല്ലാവര്ക്കും അറിയാം എന്നും പ്രതി ഫേസ്ബുക്കില് കുറിച്ചു.
സംഭവം പുറത്തെത്തിയതോടെ ബബുയ ഗോഷിനെതിരെ പലരും പരാതിപ്പെട്ടു. ഇതിന്റെ അടിസ്ഥാനത്തിലാണ് പോലീസ് ഇയാളെ അറസ്റ്റ് ചെയ്തത്. ഇയാളുടെ ഫോണും പോലീസ് പിടിച്ചെടുത്തിട്ടുണ്ട്.
