പാലാ: അനുമതിയില്ലാതെ പോലീസ് തന്റെ ഉമ്മിനീരും രക്തവും എടുത്തുവെന്ന് ബിഷപ്പ് കോടതിയില്. അതേസമയം, ബിഷപ്പിനെ മൂന്ന് ദിവസത്തേയ്ക്ക് കസ്റ്റഡിയില് വേണമെന്ന് പോലീസ് കോടതിയില് ആവശ്യപ്പെട്ടു.
ബിഷപ്പിന്റെ ലൈംഗീക ശേഷി പരിശോധന നടത്തിയിട്ടില്ലെന്നും സംഭവ സമയം ബിഷപ്പ് ഉപയോഗിച്ചിരുന്ന വസ്ത്രങ്ങളും ലാപ്ടോപ്പും കണ്ടെത്തേണ്ടതുണ്ടെന്നും കസ്റ്റഡിയില് ആവശ്യപ്പെട്ടുകൊണ്ട് പോലീസ് ചൂണ്ടിക്കാട്ടുന്നു.
ആശുപത്രിയില് നിന്ന് ഡിസ്ചാര്ജ് ചെയ്ത് പൊലീസ് ക്ലബിലേക്ക് മാറ്റിയ ഫ്രാങ്കോ മുളയ്ക്കലിനെ 12.45ഓടെയാണ് പാലയിലേക്ക് കൊണ്ടുവന്നത്. മെഡിക്കല് കോളേജില് നടത്തിയ പരിശോധനകള്ക്ക് ശേഷം ആരോഗ്യനിലയില് കാര്യമായ പ്രശ്നങ്ങളില്ലെന്ന് ഡോക്ടര്മാര് വ്യക്തമാക്കിയതോടെയാണ് പൊലീസ് തുടര്നടപടികളിലേക്ക് കടന്നത്.
