വിജയം നേടിയെങ്കിലും ഇന്നലത്തെ മത്സരത്തിന്റെ ആദ്യ പകുതിയില് മത്സര തന്ത്രങ്ങള് അനുസരിച്ചു കളിക്കാന് കേരളാബ്ലാസ്റ്റേഴ്സിനു കഴിഞ്ഞില്ല. രണ്ടാം പകുതിയില് സി.കെ വിനീത് പകരക്കാരനായി ഇറങ്ങില്ലായിരുന്നെങ്കില് മത്സരഫലം മറ്റൊന്നാകുമായിരുന്നുവെന്നും പരിശീലകന് ഡേവിഡ് ജെയിംസ്. ഇന്നലെ കേരള ബ്ലാസ്റ്റേഴ്സിന്റെ ആദ്യ പകുതിയിലെ പ്രകടനം തന്റെ ടാക്ടിക്സ് അല്ലായിരന്നു. ആദ്യ ഘട്ടത്തില് കേരള ബ്ലാസ്റ്റേഴ്സ് മികച്ചു പ്രകടനം കാഴ്ച്ചവച്ചുവെന്ന്് ഫുട്ബോള് നിരീക്ഷകര് വിലയിത്തിയെങ്കിലും ആദ്യ പകുതിയിലെ കേരളത്തിന്റെ പ്രകടനത്തെ വിമര്ശിക്കുകയാണ് പരിശീലകന് ചെയ്തത്. അതിന് കാരണവും ജെയിംസ തന്നെ വ്യക്തമാക്കുന്നു.
താന് പറഞ്ഞ രീതിയിലായിരുന്നില്ല കേരള താരങ്ങളുടെ ആദ്യ പകുതിയിലെ കളിയോടുള്ള സമീപനം. കേരളമായിരുന്നു ഇന്നലെ മെച്ചപ്പെട്ട ടീം, രണ്ടാം പകുതിയില് ടീം മികച്ചു നിന്നു. കഴിഞ്ഞ സീസണുകളെ അപേക്ഷിച്ച് മത്സരത്തിന്റെ അവസാന മിനിറ്റുകളില് ഗോള് വഴങ്ങുന്ന ശീലം ഉപേക്ഷിച്ച് ഗോള് അടിക്കാന് കേരള താരങ്ങള്ക്കു കഴിഞ്ഞു. കളിയുടെ അവസാന ഘട്ടത്തില് ടീമിന്റെ ആത്മവിശ്വാസം കൂടിയിട്ടുണ്ട്. വിങ്ങ് ബാക്കുകളായ റാകിപിന്റെയും ലാല്റുവത്താരയുടെയും പ്രകടനത്തെ ജെയിംസ് പ്രത്യേകം അഭിനന്ദിച്ചു. എല്ലാ താരങ്ങളും അവരുടെ 100 ശതമാനം കൊടുത്തു എന്നും ജെയിംസ് പറഞ്ഞു.
ഇന്നലത്തെ മത്സരത്തിലെ പ്രധാന വഴിത്തിരിവ് രണ്ടാം പകുതിയില് സി.കെ വിനീതിന്റെ വരവായിരുന്നു. മത്സരത്തില് കേരളം മുന്നിട്ടുനിന്നുവെങ്കിലും ഗോള് കണ്ടെത്തുന്നതില് നന്നേ പ്രയാസപ്പെട്ടിരുന്നു. കളിയുടെ 71ആം മിനുട്ടിലാണ് സി കെ വിനീത് കളത്തില് എത്തിയത്. വിനീത് എത്തി ആറ് മിനുറ്റുകള്ക്കകം കേരള ബ്ലാസ്റ്റേഴ്സ് തങ്ങളുടെ ആദ്യ ഗോള് കണ്ടെത്തുകയും ചെയ്തു. സി കെ അസിസ്റ്റോ സ്കോറോ ഒന്നും ചെയ്തില്ല എങ്കിലും കളത്തില് ചെയ്തത് ഒക്കെ നല്ലതായിരുന്നു. കളിയെ കേരള താരങ്ങള് സമീപിച്ചത രീതി തന്നെ സന്തോഷവാനാക്കി എന്നും ജെയിംസ് പ്രതികരിച്ചു. ഇന്നലെ കൊല്ക്കത്തക്കെതിരെ എതിരില്ലാത്ത രണ്ടു ഗോളുകള്ക്കായിരുന്നു കേരള ബ്ലാസ്റ്റേഴ്സിന്റെ വിജയം.
