ഫിറോസ്പൂര്(പഞ്ചാബ്): അതിര്ത്തി റോഡുകളുടെയും വേലികളുടെയും അതീവ രഹസ്യ സ്വഭാവമുള്ള ചിത്രങ്ങള് പാക്ക് ചാരന് കൈമാറിയ ബിഎസ്എഫ് ജവാന് അറസ്റ്റില്. ബിഎസ്എഫ് ജവാനായ ഷെയ്ഖ് റിയാസുദിനാണ് അറസ്റ്റിലായിരിക്കുന്നത്. സംശയാസ്പദമായ നീക്കങ്ങളെ തുടര്ന്ന് ഇയാള് കുറച്ചു മാസങ്ങളായി ബിഎസ്എഫിന്റെ ഇന്റലിജന്സ് വിഭാഗത്തിന്റെ നിരീക്ഷണത്തിലായിരുന്നുവെന്ന് പോലീസ് അറിയിച്ചു.
മഹാരാഷ്ട്ര ലാതുര് ജില്ലയില റെന്പുരയില് നിന്നുള്ള റിയാസുദിന് ബിഎസ്എഫിന്റെ ഫിറോസ്പൂര് സെക്ടറിലെ 29-ാം ബറ്റാലിയനിലായിരുന്നു ജോലി ചെയ്തു വന്നിരുന്നത്. രണ്ടു മൊബൈല് ഫോണുകളും ഏഴ് സിം കാര്ഡുകളും ഇയാളില് നിന്ന് കണ്ടെടുത്തതായി പോലീസ് പറഞ്ഞു.
അതിര്ത്തി റോഡുകളുടെയും വേലികളുടെയും ചിത്രങ്ങള്, ഉന്നത ഉദ്യോഗസ്ഥരുടെ ഫോണ് നമ്പര് ഉള്പ്പെടെയുള്ള വിവരങ്ങളാണ് ഐഎസ്ഐയുടെ ചാരനായ മിര്ജ ഫൈസല് എന്നയാള്ക്ക് കൈമാറിയതായി പോലീസ് വ്യക്തമാക്കിയിരിക്കുന്നത്. ഇയാളുടെ ഫോണില് നിന്നാണ് നിര്ണ്ണായക രേഖകള് പാക്ക് ചാരന് മൈാറിയിരിക്കുന്നത്.
