മലപ്പുറം: ബന്ധുനിയമന വിവാദത്തില് ആരോപണവിധേയനായ മന്ത്രി കെ.ടി. ജലീലിനു നേരെ യൂത്ത് ലീഗിന്റെ പ്രതിഷേധ പരമ്പര. മലപ്പുറം കൊണ്ടോട്ടിയില് മന്ത്രിയെ തടയാന് ശ്രമിച്ചത് സംഘര്ഷാവസ്ഥയിലെത്തിയതിനു പിന്നാലെയാണ് ഇമ്പിച്ചിബാവ ഭവനനിര്മ്മാണപദ്ധതിയുടെ ഉദ്ഘാടനത്തിനെത്തിയപ്പോള് വന് പ്രതിഷേധം ഉയര്ന്നത്.
ഇരുനൂറോളം യൂത്ത് ലീഗ് പ്രവര്ത്തകര് മന്ത്രിയുടെ കാര് വളഞ്ഞുവെച്ച് മുദ്രാവാക്യം മുഴക്കുകയായിരുന്നു. വഴിയില് മന്ത്രിയെ വളഞ്ഞതോടെ പോലീസ് ബലം പ്രയോഗിച്ച് പ്രവര്ത്തകരെ നീക്കുകയും ലാത്തിവീശുകയും ചെയ്തു.
നേരത്തെ കൊണ്ടോട്ടിയില് മോയിന്കുട്ടി വൈദ്യര് സ്മാരകത്തിനു മുന്നില് മന്ത്രിയുശട വാഹനം യൂത്ത് ലീഗ് പ്രവര്ത്തകര് വളഞ്ഞിരുന്നു. ഇതിനിടെ യൂത്ത് ലീഗുകാരെ സിപിഎം പ്രവര്ത്തകര് തടയാനെത്തിയതോടെ സ്ഥലത്ത് സംഘര്ഷാവസ്ഥ ഉണ്ടായി. പിന്നീട് യൂത്ത് ലീഗ് പ്രവര്ത്തകരെ പോലീസ് അറസ്റ്റു ചെയ്തു നീക്കുകയായിരുന്നു. കെ.ടി. ജലീല് തെറ്റുചെയ്തതായി കരുതുന്നില്ലെന്നും നിയമലംഘനമുണ്ടെന്ന് തോന്നുന്നവര്ക്ക് കോടതിയെ സമീപിക്കാമെന്നും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് മന്ത്രിയെ പിന്തുണച്ച് രംഗത്തെത്തിയിരുന്നു.
