ഗോള്ഡന് ഗ്ലോബ് പ്രയാണത്തിനിടെ പ്രക്ഷുബ്ധമായ കടലില് അപകടത്തില്പ്പെട്ട് 71 മണിക്കൂറിനു ശേഷം അതിസാഹസികമായി രക്ഷപ്പെടുത്തിയ അഭിലാഷ് ടോമി അപകടത്തില്പ്പെട്ട മണിക്കൂറുകള് ഓര്ത്തെടുക്കുകയാണ്. മണിക്കൂറില് 100 കിലോമീറ്റര് വേഗത്തില് കാറ്റു വീശിയടിക്കുമെന്നും തിരകള് 10 മീറ്റര് വരെ ഉയര്ന്നേക്കുമെന്നും അഭിലാഷ് ടോമിക്ക് മുന്നറിയിപ്പ് കിട്ടിയിരുന്നു. എന്നാല് ആ മുന്നറിയിപ്പിനെ മറികടന്ന് 150 കിലോമീറ്റര് വേഗത്തില് എത്തിയ തിര 14 കിലോമീറ്റര് വരെയാണ് ഉയര്ന്നത്.
വഞ്ചിയൂടെ നിയന്ത്രണം നഷ്ടപ്പെടാതിരിക്കാന് ശ്രമിക്കുന്നതിനിടെ 110 ഡിഗ്രി യില് പായ്വഞ്ചി പൊങ്ങി. ഉപ്പുവെള്ളം കുടിച്ചതിന്റെ ബാക്കി തുപ്പിക്കളയാന് പോലും സമയം കിട്ടും മുമ്പ് വീണ്ടും തിര എത്തി കടലിനു നടുവില് കുത്തിനിര്ത്തിയ സ്ഥിതിയിലേക്ക് വഞ്ചി നിന്നത്. കടലില് വീഴുമെന്ന് ഉറപ്പായ നിമിഷങ്ങള്, ഇതിനിടയില് പായ്വഞ്ചി തുരിയയിലെ ഒരു കയറില് എന്റെ വാച്ച് ഉടക്കി വീണ്ടും രക്ഷപ്പെട്ട നിമിഷങ്ങള്. ഏതാനും സെക്കന്ഡുകള്ക്കു ശേഷം വാച്ചിന്റെ സ്ട്രാപ്പ് അടര്ന്ന് നടുവിടിച്ച് വഞ്ചിപ്പലകയിലേക്ക് വീഴുകയായിരുന്നു.
വടക്കുനോക്കിയന്ത്രവും മാപ്പും മാത്രമായാണ് തുരിയ എന്ന പായ്വഞ്ചിയില് ഗോള്ഡന് ഗ്ലോബ് പ്രയാണത്തിന് ഇന്ത്യന് നാവികസേന ഉദ്യോഗസ്ഥനായ അഭിലാഷ് ടോമി തിരിച്ചത്ള്. നക്ഷത്രങ്ങളെ നോക്കി കടലിനെ അറിയണം. റേഡിയോ ഓണ് ചെയ്ത് വെച്ച് കടന്നുപോകുന്ന മേഖലയിലെ സ്റ്റേഷനില് നിന്ന് പറയുന്ന കാലാവസ്ഥാ മുന്നറിയിപ്പ് കേട്ട് വഞ്ചിയുടെ വഴിതിരിച്ച് വിടണം.50 വര്ഷം മുമ്പ് സമുദ്ര സഞ്ചാരികള് ഉപയോഗിച്ച അതേ സംവിധാനങ്ങള് മാത്രമായിരുന്നു പ്രയാണത്തില് അനുവദിച്ചിരുന്നത്. തുരിയ എന്ന പായ്വഞ്ചിയില് ഫ്രാന്സിലെ ലെ സാബ്ലെ ദെലോണ് തുറമുഖത്തു നിന്നാണ് യാത്ര തുടങ്ങിയത്.
