ഇന്ത്യയില്നിന്നുള്ള സ്വകാര്യ ഉപഗ്രഹം എക്സീഡ്സാറ്റ് -1 അടക്കം 63 ഉപഗ്രഹങ്ങള് സ്പേസ്എക്സിന്റെ ഫാല്ക്കണ് -9 റോക്കറ്റിലേറി ബഹിരാകാശത്തെത്തി. 100 പേരുടെ ചിതാഭസ്മവും ആകാശത്ത് നക്ഷത്രം പോലെ തിളങ്ങാന് രൂപകല്പന ചെയ്ത ഓര്ബിറ്റല് റിഫ്ളെക്ടറും ഇതോടൊപ്പം വിക്ഷേപിക്കപ്പെട്ടു.
ബഹിരാകാശത്തെ വ്യവസായ സാധ്യതകള് മുതലെടുക്കുന്നതിന്റെ ഭാഗമായാണു സ്പേസ്എക്സിന്റെ പുതിയ സംരംഭം. മുംെബെ ആസ്ഥാനമാക്കി പ്രവര്ത്തിക്കുന്ന എക്സീഡ്സ്പേസ് ആണ് ഇന്ത്യയില്നിന്ന് ആദ്യമായുള്ള സ്വകാര്യ ഉപഗ്രഹം ബഹിരാകാശത്തെത്തിച്ചത്. ക്യൂബ്സാറ്റ് എന്ന് പേരിട്ടിരിക്കുന്ന നാല് ഇഞ്ച് വലിപ്പമുള്ള സാറ്റലൈറ്റിലാണ് ഈ 100 വ്യക്തികളുടെയും ചിതാഭസ്മം സൂക്ഷിക്കുക. ചിതാഭസ്മം നല്കുന്നവരുടെ ഫോണിലുള്ള ആപ്ലിക്കേഷന് ഉപയോഗിച്ച് സാറ്റലൈറ്റിന്റെ ചലനം മനസിലാക്കുവാന് സാധിക്കുമെന്നും സ്റ്റാര്ട്ട്അപ്പ് കമ്പനി പറയുന്നു. മാത്രമല്ല ബന്ധുക്കള്ക്ക് ഈ സാറ്റലൈറ്റിലേക്ക് സന്ദേശം അയക്കുവാന് സാധിക്കുമെന്നും ഇവര് വ്യക്തമാക്കുന്നു.
വിവിധ രാജ്യങ്ങളില്നിന്നായി നൂറു പേരുടെ ഭൗതികാവശിഷ്ടമാണു ഇന്നലെ ബഹിരാകാശത്തെത്തിയത്. ഇതിനായി 1,76,300 രൂപയാണ് സാന് ഫ്രാന്സിസ്കോ ആസ്ഥാനമാക്കിയുള്ള എലീസിയം സ്പേസ് ഈടാക്കിയത്. ചിതാഭസ്മം ക്യൂബ്സാറ്റ് എന്ന മൈക്രോസാറ്റെലെറ്റിലാണു ബഹിരാകാശത്ത് നിക്ഷേപിച്ചത്.
ആറ് മണിക്കൂര് കൊണ്ടാണു ഉപഗ്രഹങ്ങളെല്ലാം ഭ്രമണപഥ പ്രവേശനം നടത്തിയത്. നെവാഡ മ്യൂസിയം ഓഫ് ആര്ട്ടാണ് കൃത്രിമ നക്ഷത്രത്തെ ആകാശത്തേക്കയച്ചത്. ഏതാനും ആഴ്ചകള് ഇത് ആകാശത്ത് പ്രകാശം പ്രതിഫലിപ്പിക്കുമെന്നാണു കണക്ക്. ഏറ്റവും തെളിച്ചമുള്ള ''നക്ഷത്ര''മാകുമെന്നാണ് അവകാശവാദം. ''നക്ഷത്ര''ത്തിന്റെ ഭ്രമണം തല്സമയം വെബ്*!*!*!െസെറ്റിലൂടെ അറിയിക്കാനും ക്രമീകരണമുണ്ട്. പക്ഷേ, ആഴ്ചകള്ക്കുശേഷം ഇതു ഭൂമിയുടെ അന്തരീക്ഷത്തില് പ്രവേശിച്ച് എരിഞ്ഞടങ്ങും.
