സിനിമ മേഖലയില് വന് വിവാദങ്ങള്ക്ക് വഴിയൊരുക്കിയ മീ ടു ക്യാമ്പയിനെതിരെ നടി ഷക്കീല. തന്റെ ജീവിതത്തെ ആസ്പദമാക്കി ഒരുങ്ങുന്ന സിനിമയുമായി ബന്ധപ്പെട്ട് അനുവദിച്ച അഭിമുഖത്തിലാണ് താരം തന്റെ നിലപാട് വ്യക്തമാക്കിയത്. പഴയ കാര്യങ്ങള് പറയുന്നതില് യാതൊരു അര്ത്ഥവുമില്ല, ഇഷ്ടപ്പെടാത്ത രീതിയില് ആരെങ്കിലും പെരുമാറിയാല് അന്നേ ചെരൂപ്പൂരി അടിക്കണമായിരുന്നു.-ഷക്കീല പറയുന്നു.
അഭിമുഖത്തില് ഷക്കീല പറഞ്ഞതിങ്ങനെ;
പഴയ കാര്യങ്ങള് പറയുന്നതില് യാതൊരു അര്ത്ഥവുമില്ല, ഇഷ്ടപ്പെടാത്ത രീതിയില് ആരെങ്കിലും പെരുമാറിയാല് അന്നേ ചെരൂപ്പൂരി അടിക്കണമായിരുന്നു. ദുരനുഭവങ്ങള് ഏറെ ഉണ്ടായിട്ടുണ്ട്. എന്നാല് അവയെല്ലാം വെല്ലുവിളിയായി കരുതി ജിവിച്ചു കാണിക്കുകയായിരുന്നു. മലയാള സിനിമയില് ഒരുപാട് അഭിനയിച്ചുവെങ്കിലും ഇന്ന് തനിക്ക് സിനിമയുമായി ബന്ധപ്പെട്ട ആരുമായി ബന്ധമില്ല. മലയാളത്തില് എന്റെ സിനിമകള് വിതരണം ചെയ്ത് പണക്കാരായ പലര്ക്കും ഇന്ന് എന്നെ ഓര്മ്മയില്ല.
കിന്നാരത്തുമ്പികള് അമ്മയുടെ നിര്ബന്ധത്തിനു വഴങ്ങിയാണ് അഭിനയിച്ചത്, ആഗ്രഹിച്ച വേഷങ്ങള് മലയാളത്തിലോ തമിഴിലോ ലഭിച്ചില്ല. മലയാളത്തിലേല് നിന്ന് തമിഴിലേയ്ക്ക് വന്നപ്പോള് നാല് വര്ഷം ജോലിയില്ലാതെ ഇരുന്നു. കമല്ഹാസനെ ഏറെ ഇഷ്ടപ്പെടുന്നു, അദ്ദേഹത്തിന്റെ രാഷ്ട്രീയ നിലപാടുകള്ക്കൊപ്പം നില്ക്കാന് ഇഷ്ടപ്പെടുന്നു. കുട്ടികള്ക്കെതിരായുളള ലൈംഗിക അതിക്രമങ്ങളോട് പോരാടും അത്തരം വാര്ത്തകള് ഉറക്കം നഷ്ടപ്പെടുത്തുന്നു.
