വിജയ് സേതുപതിയും ഫഹദ് ഫാസിലും ഒന്നിക്കുന്ന സൂപ്പര് ഡീലക്സ് എന്ന തമിഴ് ചിത്രത്തിന്റെ ട്രെയിലര് പുറത്തെത്തി. ത്യാഗരാജനാണ് ചിത്രം സംവിധാനം ചെയ്യുന്നത്. സാമന്ത അക്കിനേനിയും ചിത്രത്തില് സുപ്രധാന വേഷത്തില് എത്തുന്നുണ്ട്. വിജയ് സേതുപതി ട്രാന്സ്ജെന്ഡറായാണ് ചിത്രത്തില് എത്തുന്നത്.
വിജയ് സേതുപതിയുടെ ശബ്ദ വിവരണത്തോടെയാണ് ട്രെയിലര് പുറത്തുവന്നിരിക്കുന്നത്. ഒരു സസ്പെന്സ് ത്രില്ലറായിരിക്കും എന്നാണ് ട്രെയിലര് സൂചിപ്പിക്കുന്നത്. ശില്പ എന്ന ട്രാന്സ്ജെന്ററായാണ് സേതുപതി ചിത്രത്തില് എത്തുന്നത്. ഫഹദിനെയും സാമന്തയെയും കൂടാതെ, രമ്യാ കൃഷ്ണന്, മിസ്കിന്, ഗായത്രി തുടങ്ങിയവരാണ് ചിത്രത്തിലെ മറ്റ് അഭിനേതാക്കള്.
