മലയാളത്തിലെ ഒരു കാലത്തെ തിരക്കേറിയ നടിയായിരുന്നു അംബിക. സൂപ്പര്സ്റ്റാറുകളുടെ നായികസ്ഥാനത്ത് അന്നെല്ലാം താരം മിന്നിത്തിളങ്ങി. എന്നാല് നിറസാന്നിധ്യമായ അംബികയെ 1990-ന് ശേഷം മലയാള സിനിമയില് കാണാതെയായി. വനിത ഫിലിം അവാര്ഡ്സില് അതിഥിയായി എത്തിയപ്പോള് തന്റെ ഈ അസാന്നിധ്യത്തെ കുറിച്ച് അംബിക തുറന്ന് പറഞ്ഞു.
'' കേരളത്തിലെ അവാര്ഡ് ചടങ്ങളുകള്ക്ക് വരുന്നത് സന്തോഷമാണ്. കേരളത്തില് അവാര്ഡ് ചടങ്ങുകള്ക്ക് പോകുന്നതു തന്നെ സന്തോഷമുള്ള കാര്യമാണ്. മലയാളം സംസാരിക്കുന്ന, മലയാളികള് മാത്രമുള്ള അവാര്ഡ് നൈറ്റ്സ് രസമുള്ള കാര്യമാണ്. പഴയ കാല ആളുകളെ ഇവിടെ കാണാന് കഴിയും. ഇവിടെത്തന്നെ കുടുംബപുരാണം സിനിമയിലെ ടീം ഉണ്ടായിരുന്നു. അവരെയൊക്കെ കാണാന് സാധിച്ചു. ഇതൊക്കെ സന്തോഷമുള്ള കാര്യങ്ങളാണ്.
അഭിനയിക്കാന് ആരും വിളിക്കാത്തതു കൊണ്ടാണ് വരാത്തത്. വിളിച്ചാല് വരും, അഭിനയിക്കും. ഞാന് വിദേശത്ത് സെറ്റില് ആണെന്നു കരുതിയാണ് ആരും വിളിക്കാത്തതെന്നു കരുതുന്നു. എന്നാല് ആ സംശയം ഇവിടെ തീര്ക്കുന്നു. ഞാനും മകനും ചെന്നൈയിലാണ് താമസം. അത് ഒരിക്കല്ക്കൂടി പറയുകയാണ്.'' - അംബിക പറഞ്ഞു.
