സോഷ്യല് മീഡിയയില് നിന്ന് നീണ്ട ഇടവേളയെടുത്ത നടി പാര്വതി തിരുവോത്ത് കഴിഞ്ഞ ദിവസം മുതല് വീണ്ടും സജീവമായിരുന്നു. ചിത്രങ്ങളും വീഡിയോകളും പങ്കുവെച്ച് വന്ന പാര്വതിയെ ഇരുകൈയ്യും നീട്ടിയാണ് ആരാധകര് സ്വാഗതം ചെയ്തത്. ഇപ്പോഴിതാ പാര്വതിയെ ട്രോളിക്കൊണ്ട് ആര്.ജെ മാത്തുക്കുട്ടി രംഗത്ത് എത്തിയിരിക്കുകയാണ്.
പാര്വതി പുത്തന് സ്റ്റെലില് കഴിഞ്ഞ ദിവസം ഒരു ചിത്രം ഇന്സ്റ്റാഗ്രാമില് പോസ്റ്റ് ചെയ്തിരുന്നു. രണ്ടു നിറങ്ങള് കൊണ്ട് തുന്നിച്ചേര്ത്ത ഒരു ഭാഗം റോസും, മറു ഭാഗം പച്ചയും നിറമുള്ള വസ്ത്രമായിരുന്നു പാര്വതി ധരിച്ചിരുന്നത്. ഈ വസ്ത്രത്തിനെയാണ് മാത്തുക്കുട്ടി ട്രോളിയത്. മാത്തുവും കൂട്ടുകാരന് രാജ് കലേഷും മുന്പ് ഇതേ തരത്തിലുള്ള വസ്ത്രം ധരിച്ചിരുന്നു. 'എന്നാലും ഈ പരീക്ഷാ ടൈമില് തന്നെ കോപ്പിയടിച്ച് കളഞ്ഞല്ലോ പൊന്നേ' എന്ന അടിക്കുറിപ്പോടെയാണ് മാത്തുക്കുട്ടി ഈ ചിത്രം പങ്കുവെച്ചത്. മാത്തുക്കുട്ടിയുടെ ട്രോള് ഇപ്പോള് സോഷ്യല് മീഡിയയില് വൈറല് ആയിരിക്കുകയാണ്.
ആസിഡ് ആക്രമണത്തിന് ഇരയായ പെണ്കുട്ടിയുടെ കഥപറയുന്ന 'ഉയരെ' എന്ന ചിത്രത്തിലാണ് പാര്വതി ഇപ്പോള് അഭിനയിക്കുന്നത്. ബോബി സഞ്ജയ് കൂട്ടുകെട്ടിന്റെ തിരക്കഥയില് ഒരുങ്ങുന്ന ചിത്രം സംവിധാനം ചെയ്യുന്നത് മനു അശോകന് ആണ്. ആസിഫ് അലി, ടൊവിനോ തോമസ് എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
