കോപ്പന്ഹെഗണ്: ഈസ്റ്റര് ദിനത്തില് ശ്രീലങ്കയിലുണ്ടായ ചാവേര് ആക്രമണങ്ങളില് ഡെന്മാര്ക്കിലെ ശതകോടീശ്വരന്റെ മൂന്നു മക്കള് കൊല്ലപ്പെട്ടു. ഓണ്െലെന് വസ്ത്ര വിപണന ഉല്പ്പന്നങ്ങളുടെ ബ്രാന്ഡായ വെറോ മോന്ഡ, ജാക് ആന്ഡ് ജോണ്സ് എന്നിവയുടെ ഉടമസ്ഥനായ ആണ്ഡ്രസ് ഹോച് പോവ്സെന്റെ നാലു മക്കളില് മൂന്നുപേരാണു കൊല്ലപ്പെട്ടത്. ഇദ്ദേഹത്തിന്റെ കുടുംബം ആക്രമണം നടക്കുന്ന സമയത്ത് ശ്രീലങ്കയില് അവധിയാഘോഷത്തിലായിരുന്നെന്നു ഡാനിഷ് മാധ്യമങ്ങള് റിപ്പോര്ട്ട് ചെയ്തു.
പോവ്സെന്റെ ബ്രാന്ഡ് ഇനങ്ങള് കൂടുതലും വിറ്റഴിച്ചിരുന്നത് ബ്രിട്ടീഷ് ഓണ്െലെന് റീടെയിലറായ അസോസ് ഡോട് കോമും, ജര്മന് ഓണ്െലെന് റീടെയ്ലറായ സലാണ്ടോയുമാണ്. വേരോ മോഡ, ഒണ്ലി, ജാക്ക് ആന്റ് ജോണ്സ് എന്നി ഉല്പ്പന്നങ്ങള്ക്കായി 70 രാജ്യങ്ങളില് 3000 സ്റ്റോറുകളാണ് ഉള്ളത്. യു.കെയിലെയും സ്കോട്ലന്ഡിലെയും ഏറ്റവും വലിയ ഭൂവുടമയും ഇദ്ദേഹമാണ്. 11 എസ്റ്റേറ്റുകളാണ് ഇയാള്ക്ക് സ്കോട്ലന്റിലുള്ളത്. ഭീകരാക്രമണ വാര്ത്തയറിഞ്ഞതും ബ്രിട്ടീഷ് അഭിഭാഷകനായ ബെന് നിക്കോള്സന്റെ ഭാര്യ അനിത(42)യും മകന് അലക്സും (11) ഇളയമകള് അന്നാബെല്ലും സ്ഫോടനത്തില് കൊല്ലപ്പെട്ടു..
ഭാര്യയും മക്കളും സ്ഫോടനത്തില് ചിന്നിച്ചിതറുന്നത് കണ്ട് ബെന്നിന് കൊളംബോയിലെ തെരുവുകളിലൂടെ നിലവിളിച്ചോടാന് മാത്രമേ കഴിഞ്ഞുള്ളൂ. ചോരയില് കുളിച്ച ടീ ഷര്ട്ടുമിട്ട്. കൊളംബോ നഗരത്തിലെ ആശുപത്രികള് തോറും കയറിയിറങ്ങി. തന്റെ ഉറ്റവരെത്തേടി. ഒടുവില് ആ സത്യം നിക്കോള്സണ് തിരിച്ചറിഞ്ഞു. ഈസ്റ്റര് ഞായറാഴ്ച രണ്ടു ചാവേറുകള് കൊളംബോയിലെ ഷാംഗ്രി ലാ ഹോട്ടലില് എത്തുമ്പോള് അനിതയും കുടുംബവും പ്രഭാതഭക്ഷണം കഴിച്ചുകൊണ്ടിരിക്കുകയായിരുന്നു. രാവിലെ 8.30 നായിരുന്നു ഇവിടെ സ്ഫോടനം.
ടേബിള് വണ് കഫേയുടെ രണ്ടാം നിലയില് ഇവരുടെ ചിന്നിച്ചിതറിയ മൃതദേഹമാണ് പിന്നീട് കണ്ടെടുത്തത്. ശ്രീലങ്കയിലെ സെലിബ്രിറ്റി ടിവി ഷെഫ് ശാന്ത മായാദുന്നേയും മകളും കൊല്ലപ്പെട്ടു. ഈസ്റ്റര് പ്രഭാതഭക്ഷണം കുടുംബസമേതം കഴിക്കുന്ന ചിത്രം ആക്രമണത്തിനു തൊട്ടുമുമ്പ് മായാദുന്നേയുടെ മകള് സാമൂഹിക മാധ്യമങ്ങളില് പോസ്റ്റ് ചെയ്തതു െവെറലായി. രണ്ടു െചെനക്കാരാണ് കൊല്ലപ്പെട്ടതെന്ന് െചെനീസ് മാധ്യമങ്ങള് റിപ്പോര്ട്ട് ചെയ്തു. തന്റെ ബന്ധുക്കള് ആക്രമണത്തില് കൊല്ലപ്പെട്ടെന്ന് ബ്രിട്ടീഷ് ലേബര് പാര്ട്ടി എം.പി. തുലിപ് സിദ്ദിഖ് ട്വീറ്റ് ചെയ്തു. 35 വിദേശികളാണ് ആക്രമണത്തില് കൊല്ലപ്പെട്ടത്. ബ്രിട്ടന്, ഇന്ത്യ, ചൈന, തുര്ക്കി, ജപ്പാന്, നെതര്ലന്ഡ്സ്, പോര്ച്ചുഗല്, ഓസ്ട്രേലിയ എന്നിവിടങ്ങളില് നിന്നുള്ളവരാണ്.
