റഹ്മാന് നായകനാകുന്ന തമിഴ്-തെലുങ്ക് ദ്വിഭാഷാ ചിത്രമായ സെവനിന്റെ ട്രെയിലര് പുറത്തിറങ്ങി. കുറ്റാന്വേഷണ സൈക്കോ ത്രില്ലറായ ചിത്രത്തില് വിജയ് പ്രകാശ് എന്ന പോലീസ് ഉദ്യോഗസ്ഥനായ് റഹ്മാന് എത്തുന്നു. തെലുങ്കിലെ യുവനായകന് ഹവിഷ് പ്രതിനായക ഛായയുള്ള കേന്ദ്രകഥാപാത്രത്തെ അവതരിപ്പിക്കുന്നു.
സുന്ദരിമാരായ ആറു പെണ്കുട്ടികളുടെ ജീവിതത്തിലുണ്ടാകുന്ന ദുരന്തങ്ങല് പോലീസിനു വെല്ലുവിളിയാവുകയും ചെയ്യുന്നു. ഈ അറു പെണ്കുട്ടികള് പരാതി നല്കിയിരിക്കുന്നത് ഒരേ വ്യക്തിക്കെതിരെ. ആയാള് തന്നെയാണോ കുറ്റവാളി ?, എന്തിനു വേണ്ടിയാണ് കുറ്റം ചെയ്യുന്നത്?, ആരാണ് യഥാര്ത്ഥ കുറ്റവാളി ? ഈ ചോദ്യങ്ങളിലൂടെയാണ് ചിത്രം മുന്നോട്ടു പോകുന്നത്.
ഛായാഗ്രാഹകന് കൂടിയായ നിസ്സാര് ഷാഫി ആദ്യമായി സംവിധാനം ചെയ്യുന്ന ചിത്രമാണ് സെവന്. റെജീന കസാന്ദ്ര, നന്ദിത ശ്വേതാ, അദിതി ആര്യാ, അനീഷ അംബ്രോസ്, പൂജിത പൊന്നാട, ചൗധരി എന്നീ ആറു നായികമാരാണ് ചിത്രത്തിലുള്ളത്.
