ഓവല് : 2019 ലോകകപ്പിലെ ആദ്യ ഭാഗ്യവാനായ ബാറ്റ്സ്മാന് ദക്ഷിണാഫ്രിക്കന് താരം ക്വിന്റണ് ഡികോക്ക്. ഉദ്ഘാടന മത്സരത്തില് ആതിഥേയരായ ഇംഗ്ലണ്ട്- ദക്ഷിണാഫ്രിക്ക പോരാട്ടമാണ് ഇന്നലെ നടന്നത്. ഉദ്ഘാടന പോരാട്ടത്തിനിടെയാണ് ക്വിന്റണെ ഭാഗ്യദേവത തുണച്ചത്.
ബാറ്റ് ചെയ്യുന്നതിനിടെ പന്ത് വിക്കറ്റില് തട്ടിയെങ്കിലും ബെയ്ല്സ് ഇളകാതിരുന്നതിനാല് ഡികോക്ക് വിക്കറ്റില് നിന്നും രക്ഷപ്പെടുകയായിരുന്നു. ഈ കഴിഞ്ഞ ഐപിഎല് മത്സരത്തില് ഉണ്ടായിരുന്ന സ്ഥിരം കാഴ്ച്ചയായിരുന്നു ലോകകപ്പില് ദക്ഷിണാഫ്രിക്ക -ഇംഗ്ലണ്ട് മത്സരത്തില് സംഭവിച്ചത്.
ആദില് റഷീദ് എറിഞ്ഞ 11-ാം ഓവറിലായിരുന്നു ഡീകോക്കിന്റെ അവിശ്വസനീയമായ രക്ഷപ്പെടല്. ലെഗ് സ്പിന്നര് റഷീദിന്റെ ഗൂഗ്ലീ മനസിലാക്കാന് ഡീകോക്കിന് സാധിച്ചില്ല. സ്വീപ് ഷോട്ടിന് ശ്രമിച്ച ഡികോക്കിന്റെ ബാറ്റില് തട്ടിയ പന്ത് വിക്കറ്റില് തട്ടി. എന്നാല് ബെയ്ല്സിലെയും സ്റ്റമ്പിലേയും എല് ഇ ഡി കത്തിയെങ്കിലും ബെയ്ല്സ് താഴെ വീണില്ല.
വിക്കറ്റിന് വേണ്ടി കീപ്പര് ജോസ് ബട്ട്ലര് അപ്പീല് ചെയ്തെങ്കിലും ബെയ്ല്സ് താഴെ വീഴാതിരുന്നതിനാല് വിക്കറ്റ് അനുവദിച്ചില്ല. ആ പന്തില് നേരെ ബൗണ്ടറി കടക്കുകയും ചെയ്തു. ടെലിവിഷന് റിവ്യൂകളില് ബെയ്ല്സ് ഇളകിയത് വ്യക്തമായിരുന്നു. മത്സരത്തില് 74 പന്തുകള് നേരിട്ട ഡികോക്ക് 68 റണ്സെടുത്തതിന് ശേഷം പുറത്തായി. കളിയില് ദക്ഷിണാഫ്രിക്ക 104 റണ്സിന് ഇംഗ്ലണ്ടിനോട് തോറ്റു.
Hit the stumps, didn't dislodge the bails! Hope that's not a sign of things to come regarding our luck this tournament. pic.twitter.com/2rIqBRaEpg
— Mark Pop (@00Sev) May 30, 2019
