കൊച്ചി: മമ്മൂട്ടി പ്രധാന വേഷത്തിലെത്തുന്ന ഖാലിദ് റഹ്മാന് സംവിധാനം ചെയ്യുന്ന ചിത്രം ഉണ്ടയുടെ ട്രെയിലര് പുറത്തിറങ്ങി. സബ്.എന്സ്പെക്ടര് മണികണ്ഠന് സി.പി എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്.
ഛത്തീസ്ഗഢിലേക്ക് തെരഞ്ഞെടുപ്പ് ഡ്യൂട്ടിക്ക് പോകുന്ന മലയാളി പോലീസ് സംഘത്തിന്റെ കഥായണ് ചിത്രം പറയുന്നത്. അനുരാഗ കരിക്കിന് വെള്ളം എന്ന സിനിമയ്ക്ക് ശേഷം ഖാലിദ് റഹ്മാന് സംവിധാനം ചെയ്യുന്ന സിനിമകൂടിയാണ് ഉണ്ട.
ജെമനി സ്റ്റുഡിയോസിന്റെ ബാനറില് കൃഷ്ണന് സേതുകുമാറാണ് ഉണ്ട നിര്മ്മിക്കുന്നത്. ഹര്ഷാദാണ് ചിത്രത്തിനു തിരക്കഥ ഒരുക്കിയിരിക്കുന്നത്. പ്രശാന്ത് പിള്ളയാണ് സംഗീത സംവിധാനം നിര്വ്വഹിച്ചിരിക്കുന്നത്. ആസിഫ് അലി , വിനയ് ഫോര്ട്ട്, അര്ജുന് അശോകന്, ഷൈന് ടോം ചാക്കോ, കലാഭവന് ഷാജോണ്, ജേക്കബ് ഗ്രിഗറി, ദിലീഷ് പോത്തന്, എന്നിവരാണ് ഉണ്ടയിലെ മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.
ബോളിവുഡ് താരങ്ങളായ ഓംകാര് ദാസ് മണിക്പുരി, ഭഗ്വാന് തിവാരി എന്നിവരും ചിത്രത്തിലുണ്ട്. ജിംഷി ഖാലിഗും സജിത്ത് പുരുഷനും ചേര്ന്നാണ് ഛായാഗ്രാഹണം നിര്വ്വഹിച്ചിരിക്കുന്നത്.
