തിരുവനന്തപുരം: പാലാരിവട്ടം മേല്പ്പാലത്തിന് സമാനമായൊരു പാലം കേരളത്തില് ആരും പണിതു കാണില്ലെന്ന് പൊതുമരാമത്ത് മന്ത്രി ജി. സുധാകരന്. പാലം നിര്മ്മാണവുമായി ബന്ധപ്പെട്ട് ഗുരുതരമായ ക്രമക്കേടുകള് ഉണ്ടായത് ശരിവെച്ചുകൊണ്ടാണ് മന്ത്രി അതിന്റെ ഉത്തരവാദിത്തം തനിക്കില്ലെന്ന് ഇബ്രാഹിം കുഞ്ഞിന് എങ്ങനെ പറയാനാകുമെന്ന് ചോദ്യമുയര്ത്തിയത്.
പാലം നിര്മ്മാണവുമായി ബന്ധപ്പെട്ട് ഭാഗമായ ആരും പണിയൊന്നും ചെയ്തിട്ടില്ലെന്നും, പാലത്തിന്റെ ഡിസൈന് ശരിയാണോ തുടങ്ങിയ കാര്യങ്ങള് പരിശോധിക്കാന് വെച്ച കണ്സള്ട്ടന്റുമാരും നല്ല പൈസ വാങ്ങിയിട്ടുണ്ടാകുമെന്നും മന്ത്രി പറഞ്ഞു. ഇത് രാഷ്ട്രീയ പ്രശ്നമാക്കി മാറ്റാന് അനുവദിക്കില്ല. യുഡിഎഫ്-എല്ഡിഎഫ് പ്രശ്നമല്ലെന്നും മന്ത്രി വ്യക്തമാക്കി. ഇതിന്റെ പിന്നിലുള്ള അഴിമതി പുറത്തു കൊണ്ടുവരുമെന്നും മന്ത്രി കൂട്ടിച്ചേര്ത്തു.
അതേസമയം ഇബ്രാഹിം കുഞ്ഞിന് ഉത്തരവാദിത്തമില്ലെന്ന് രമേശ് ചെന്നിത്തല എന്തിന് പറയണമെന്നും, രമേശിന് ഉത്തരവാദിത്തമുണ്ടെന്ന് ആരും പറഞ്ഞിട്ടില്ലെന്നും മന്ത്രി പറഞ്ഞു. അന്വേഷണത്തില് ഇടപെടില്ല. അന്വേഷണ ചുമതലയുള്ള ഡിവൈഎസ്പിക്ക് പുറമെ ഒരു മേല്നോട്ടക്കാരനെ കുടി വെക്കാന് മുഖ്യമന്ത്രിയോട് ആവശ്യപ്പെടുമെന്നും മന്ത്രി വ്യക്തമാക്കി.
