പുതുമുഖങ്ങളെ പ്രോത്സാഹിപ്പിക്കാന് പുതിയ സംരംഭവുമായി നിര്മ്മാതാവ് വിജയ് ബാബു. 'ഫ്രൈഡെ ഫിലിം ഹൗസ് എക്സ്പിരിമെന്റ്' എന്ന ബാനറില് വിജയ് ബാബു നവാഗതരുടെ ചിത്രങ്ങള് ഇനി സംവിധാനം ചെയ്യും. പുതിയ സംരംഭത്തിലൂടെ സിനിമയെ സ്നേഹിക്കുന്ന കഴിവുറ്റ പുതുമുഖങ്ങളെ സിനിമയിലേക്ക് എത്തിക്കാനാണ് വിജയ് ബാബുവിന്റെ ശ്രമം. ഫ്രൈഡെ ഫിലിം ഹൗസിന്റെ കീഴിലാണ് പുതിയ വിഭാഗം രൂപീകരിച്ചിരിക്കുന്നത്. തന്റെ ഫേയ്സ്ബുക്ക് പോസ്റ്റിലൂടെയാണ് താരം വിവരം അറിയിച്ചത്.
ഫ്രൈഡെ ഫിലിം ഹൗസ് എക്സ്പിരിമെന്റിന്റെ കീഴില് തന്നെ ആദ്യ ചിത്രവും പ്രഖ്യാപിച്ചു. നവാഗതനായ ജോണ് മന്ത്രിക്കലിന്റെ 'ജനമൈത്രി'യാണ് ആദ്യ ചിത്രം. ഫ്രൈഡെ ഫിലിം ഹൗസിന്റെ ബാനറിലൂടെ അരങ്ങേറുന്ന പത്താമത്തെ സംവിധായകനാണ് ജോണ്.
സിനിമാ താരം സത്യന്റെ ജീവിതം പറയുന്ന സിനിമയാണ് ഫ്രൈഡെ ഫിലിംസിന്റെ ബാനറില് വിജയ് ബാബു നിര്മ്മിക്കുന്നത്. ജയസൂര്യയാണ് സത്യന്റെ വേഷത്തിലെത്തുന്നത്. ജീവിതത്തിലെ ഏറ്റവും വലിയ പ്രൊജക്ട് ആണ് ഇതെന്നാണ് വിജയ് ബാബു പറയുന്നത്. കൂടാതെ 'ഗാംങ്സ് ഓഫ് ബന്തുടുക്ക' എന്ന ചിത്രവും ഒരുങ്ങുന്നുണ്ട്. ഇതിനു പുറമെയാണ് പുതുമുഖങ്ങള്ക്കുവേണ്ടി വിജയ് ബാബു പുതിയ സംരഭത്തിനു തുടക്കമിടുന്നത്.
