മര്ഡര് എന്ന ചിത്രത്തിലൂടെ ബോളിവുഡില് ശ്രദ്ധേയായ താരമാണ് മല്ലിക ഷെരാവത്ത്. വിവാദങ്ങളും താരത്തിനൊപ്പം എപ്പോഴും ഉണ്ടായിരുന്നു. ഇപ്പോള് ബോളിവുഡില് താന് നേരിട്ട ദുരനുഭവങ്ങളെ കുറിച്ച് തുറന്ന് പറയുകയാണ് മല്ലിക. പിടിഐയ്ക്ക് വേണ്ടി നടത്തിയ അഭിമുഖത്തിലാണ് മല്ലികയുടെ വെളിപ്പെടുത്തല്.
ആളുകള് ചപ്പാത്തിയും മറ്റും ഹോട്ടായിരിക്കാന് മല്ലികയുടെ ചിത്രമുള്ള പത്രങ്ങളും പോസ്റ്ററുകളും കൊണ്ട് പൊതിയുന്നതായി അഭ്യൂഹങ്ങളുണ്ടല്ലോ എന്നായിരുന്നു മല്ലികയോടുള്ള ചോദ്യം. ഇതിന് ഞെട്ടിപ്പിക്കുന്ന ഉത്തരമാണ് താരം നല്കിയത്. '' എന്റെ വയറ്റില് മുട്ട പൊരിച്ചെടുക്കുന്ന രംഗം ചിത്രീകരിക്കണമെന്ന് ഒരു നിര്മ്മാതാവ് ആവശ്യപ്പെട്ടു. ഈ രംഗത്തിലൂടെ എന്റെ ഹോട്ട്നസ്സ് ചിത്രീകരിക്കാനായിരുന്നു അവരുടെ പദ്ധതി. എന്നാല് സീക്വന്സ് ചിത്രീകരിക്കാന് ഞാന് വിസമ്മതിച്ചു. എന്നാല് പല നായകന്മാര്ക്കും ഇത്തരം അഭിപ്രായങ്ങള് തുറന്ന് പറയുന്നത് ഇഷ്ടമല്ല. അതുകൊണ്ട് നിരവധി പ്രോജക്ടുകള് നഷ്ടപ്പെട്ടിട്ടുണ്ട്.
എനിക്ക് പകരം അവരുടെ കാമുകിമാര്ക്ക് അവസരങ്ങള് നേടിക്കൊടുത്തിട്ടുണ്ട്. ഇത്തരത്തില് മുപ്പതോളം ചിത്രങ്ങള് നഷ്ടമായെങ്കിലും ഇതൊന്നും എന്നെ വിഷമിപ്പിച്ചില്ല. ഇന്ന് തിരിഞ്ഞുനോക്കുമ്പോള് അവരെയൊക്കെ വിഡ്ഢികളെപ്പോലെ തോന്നുന്നു'' - മല്ലിക തുറന്നു പറഞ്ഞു.
