.jpg)
കൊച്ചി: മന്ത്രി കെ.ടി. ജലീലിനെതിരായ ബന്ധു നിയമന ആരോപണം രാഷ്ട്രീയ പ്രേരിതമെന്ന് ഹൈക്കോടതി. ആരോപണം ഉയര്ത്തിയ യൂത്ത് ലീഗ് നേതാവ് പി.കെ.ഫിറോസിനേയും കോടതി രൂക്ഷമായി വിമര്ശിച്ചു. കോടതിയെ കബളിപ്പിക്കാന് ശ്രമം നടന്നുവെന്നും, ഇത്തരം ശ്രമം ആവര്ത്തിച്ചാല് കര്ശന നടപടി ഉണ്ടാകുമെന്നും കോടതി വ്യക്തമാക്കി. കേസ് ഈ മാസം 18 ന് വീണ്ടും പരിഗണിക്കും.
മന്ത്രിക്കെതിരായ ആരോപണങ്ങള് രാഷ്ട്രീയ പ്രേരിതമായി കെട്ടിച്ചമച്ചതാണെന്നും കോടതി നിരീക്ഷിച്ചു. പി.കെ. ഫിറോസ് നല്കിയ പരാതിയില് അഴിമതി നിരോധന നിയമ പ്രകാരം കേസ് എടുക്കാനുള്ള കഴമ്പില്ലെന്ന് വിജിലന്സ് ഹൈക്കോടതിയില് വ്യക്തമാക്കിയിരുന്നു. ന്യൂനപക്ഷ ക്ഷേമ കോര്പറേഷനില് മന്രതി ബന്ധുക്കളെ നിയമിച്ചെന്നാണ് പി.കെ. ഫിറോസ് പരാതി ഉയര്ത്തിയത്.
