കര്ണാടക:നിങ്ങള്ക്ക് ആവശ്യമുള്ള പാത്രം നിങ്ങള് തന്നെ കൊണ്ടു വരിക. പ്ലാസ്റ്റിക് ഉപയോഗത്തിന്റെ അളവ് കുറയക്കുന്നതിനായി ബാംഗ്ലൂരിലെ ഐസ്ക്രീം പാര്ലര് ശൃംഖലയായ കോര്ണര് ഹൗസ് തുടങ്ങിയ പുതിയ പദ്ധതിയാണ് 'ബ്രിങ്ങ് യുവര് ഓണ് ബൗള്'. പ്ലാസ്റ്റിക്കിന്റെ ഉപയോഗം കുറയ്ക്കുന്നിനായി ഐസ്ക്രീം വാങ്ങാന് വരുന്നവരോട് സ്വന്തമായൊരു പാത്രം കൊണ്ടുവരാന് ഇവര് അപേക്ഷിക്കും.
പ്ലാസ്റ്റിക് മാലിന്യം നമ്മുടെ ഉത്തരവാദിത്വമാണെന്ന ബോധ്യം എല്ലാവരിലേക്കും എത്തിക്കുകയാണ് ഇതിന്റെ ലക്ഷ്യമെന്ന് കടയുടമയായ നാരായണ റാവു പറഞ്ഞു. 'പല ഹോട്ടലുകളിലും ഡിസ്പോസിബിള് പാത്രങ്ങള് ഉണ്ടാകാറുണ്ട്. പക്ഷെ അവ അധികവും പ്ലാസ്റ്റിക്കാണ്. അല്ലെങ്കില് അവയില് പ്ലാസ്റ്റിക് അടങ്ങിയിരിക്കും. ഇവയെല്ലാം തന്നെ ഉപയോഗ ശേഷം പുറന്തള്ളുന്നു. ഇത് വലിയ അളവില് പ്ലാസ്റ്റിക് മാലിന്യങ്ങള് കൂടുന്നതിനിടയാക്കുന്നു. ഇതിനെതിരെ ഒരു ക്യാംപയിന് ആണ് ഞങ്ങള് ഉദ്ദേശിക്കുന്നത്.'
ഇവരുടെ ഈ പദ്ധതിക്ക് വലിയ പിന്തുണയാണ് ഇപ്പോള് ലഭിക്കുന്നത്. പലരും സ്വന്തം പാത്രം കൊണ്ടുവന്നാണ് ഇപ്പോള് ഐസ് ക്രീം വാങ്ങുന്നത്. കൊണ്ടുവരുന്ന കാര്യത്തില് എന്തെങ്കിലും ബുദ്ധിമുട്ടുള്ളവര്ക്കാണ് അവിടെ നിന്നും പാത്രം കൊടുക്കുന്നത്. ആളുകളുടെ പങ്കാളിത്തം ഉറപ്പാക്കാനായി സ്വന്തം പാത്രത്തില് ഐസ് ക്രീം വാങ്ങുന്നവരില് നിന്നും ഈടാക്കുന്ന പണത്തില് 10 രൂപ ചാരിറ്റിക്കായ് ഉപയോഗിക്കുമെന്നും കോര്ണര് ഹൗസ് പ്രഖ്യാപിച്ചു.
