പ്രമുഖ റിയാലിറ്റി ഷോയായ ബിഗ് ബോസിലൂടെ പ്രേക്ഷകരെ സാക്ഷിയാക്കി പ്രണയിച്ച് വിവാഹിതരായവരാണ് നടിയും അവതാരകയായ പേളി മാണിയും സീരിയല് നടന് ശ്രീനിഷ് അരവിന്ദും. ഇരുവരുടെയും വിവാഹശേഷമുള്ള വിശേഷങ്ങളും യാത്രകളും പേളി ആരാധകര്ക്കായി പങ്കിടാറുണ്ട്. പേളി തന്റെ അടുത്ത ബോളിവുഡ് പ്രൊജക്ടിനെ കുറിച്ചാണ് ഇപ്പോള് ആരാധകരുമായി പങ്കുവെച്ചിരിക്കുന്നത്. അഭിഷേക് ബച്ചനോടൊപ്പമാണ് പേളിയുടെ അടുത്ത ചിത്രം. ആദിത്യ റോയ് കപൂറും ചിത്രത്തില് പ്രധാന വേഷത്തില് എത്തുന്നുണ്ട്.
അനുരാഗ് ബസു സംവിധാനം ചെയ്യുന്ന ചിത്രത്തിന്റെ ആദ്യ ഷെഡ്യൂള് മുംബൈയില് അവസാനിച്ചു. അടുത്ത ഷെഡ്യൂള് ചിത്രത്തില് പേളി അഭിനയിക്കുകയാണ്. മൂന്നാമത്തെ ഷെഡ്യൂള് ഗോവയില് വെച്ചാണ്. തന്റെ ഔദ്യോഗിത ഫെയ്സ്ബുക്ക് പേജിലൂടെ ഈ ചിത്രത്തിന്റെ വാര്ത്ത പേളി ഷെയര് ചെയ്തിട്ടുണ്ട്. 'എന്റെ അടുത്ത ചിത്രത്തെ കുറിച്ചുള്ള വാര്ത്ത' എന്ന തലക്കെട്ടോടെയാണ് ഇക്കാര്യം പേളി ആരാധകരെ അറിയിച്ചത്. ലൈഫ് ഇന് എ മെട്രോ എന്ന ബസുവിന്റെ ചിത്രത്തിന്റെ രണ്ടാം ഭാഗമാണ് ഈ ചിത്രമെന്നും അഭ്യൂഹങ്ങളുണ്ട്.
