ന്യൂഡല്ഹി: മുന് കേന്ദ്ര ധനമന്ത്രി അരുണ് ജെയ്റ്റ്ലിയുടെ ആരോഗ്യനില അതീവ ഗുരുതരമായി തുടരുന്നു. ഇന്നും നിരവധി നേതാക്കള് ജെയ്റ്റലിയുടെ ആരോഗ്യനില അന്വേഷിച്ച് ആശുപത്രിയില് എത്തി. ഡല്ഹി മുഖ്യമന്ത്രി അരവിന്ദ് കെജ്രിവാള്, കേന്ദ്രമന്ത്രിമാരായ സ്മൃതി ഇറാനി, റാംവിലാസ് പാസ്വാന് എന്നിവരാണ് ഇന്ന് എയിംസില് എത്തിയത്. ജീവന് രക്ഷാ ഉപകരണങ്ങളുടെ സഹായത്തോടെയാണ് ജെയ്റ്റ്ലിയുടെ ജീവന് നിലനിര്ത്തിയിരിക്കുന്നത്.
ഓഗസ്റ്റ് 9നാണ് ജെയ്റ്റ്ലിയെ എയിംസില് പ്രവേശിപ്പിച്ചത്. ഓഗസ്റ്റ് 10ന് ശേഷം ജെയ്റ്റ്ലിയുടെ ആരോഗ്യനില സംബന്ധിച്ച് മെഡിക്കല് ബുള്ളറ്റിന് പുറത്തുവന്നിട്ടില്ല. അതേസമയം ജീവന് രക്ഷാ ഉപകരണങ്ങളുടെ സഹായത്തോടെയാണ് ജെയ്റ്റ്ലിയുടെ ജീവന് നിര്ത്തിയിരിക്കുന്നതെന്ന റിപ്പോര്ട്ടുകള് ദേശീയ മാധ്യമങ്ങള് വഴി പുറത്തുവന്നിട്ടുണ്ട്.
ജെയ്റ്റ്ലിയെ ആശുപത്രിയില് പ്രവേശിപ്പിച്ചത് മുതല് നിരവധി നേതാക്കള് ആശുപത്രിയില് എത്തി അദ്ദേഹത്തിന്റെ ആരോഗ്യനില അന്വേഷിക്കുന്നുണ്ട്. കേന്ദ്രമന്ത്രിമാര്ക്ക് പുറമെ ഹിമാചല് പ്രദേശ് ഗവര്ണര് കല്രാജ് മിശ്ര, ആര്.എസ്.എസ് ജനറല് സെക്രട്ടറി ഡോ. കൃഷ്ണ ഗോപാല്, സമാജ്വാദി പാര്ട്ടി മുന് നേതാവ് അമര് സിംഗ് എന്നിവരും ഞായറാഴ്ച ആശുപത്രിയില് എത്തിയിരുന്നു. ഇന്നലെയും നിരവധി നേതാക്കള് ആശുപത്രിയില് എത്തിയിരുന്നു.
ജെയ്റ്റ്ലി കഴിഞ്ഞ വര്ഷം വൃക്ക മാറ്റിവയ്ക്കല് ശസ്ത്രക്രിയയ്ക്ക് വിധേയനായിരുന്നു. അതിന് ശേഷമാണ് അദ്ദേഹം പരിക്ഷീണതനായത്.
