ചൊവ്വാ ഗ്രഹത്തിലേയ്ക്കുള്ള മനുഷ്യന്റെ യാത്ര അധികം വൈകാതെ യാഥാര്ത്ഥ്യമാകും. തിരിച്ചുവരവില് പ്രതീക്ഷയില്ലാത്ത ചൊവ്വായാത്രയിലൂടെ മനുഷ്യരുടെ മാനസികാരോഗ്യം തകരാന് സാധ്യതയുണ്ടെന്നാണ് മുന്നറിയിപ്പ്. തലച്ചോര് തകര്ക്കുന്ന റേഡിയേഷന് ചൊവ്വാ യാത്രികള്ക്ക് വന് വെല്ലുവിളിയാകുമെന്നാണ് അറിയുന്നത്. കണ്ണുകൊണ്ട് കാണാനാകാത്ത റേഡിയേഷനുകളാണ് ചൊവ്വാ യാത്രികരുടെ പ്രധാന എതിരാളിയായി വന്നിരിക്കുന്നത്.
ഭൂമിയുടെ സുരക്ഷിതത്വം വിട്ടുപോകും തോറും ഇതത്തരം റേഡിയേഷനുകള്ക്ക് രൂക്ഷത കൂടുമെന്നും അവതുടെ അപകട സാധ്യത വര്ധിക്കുമെന്നുമാണ് മുന്നറിയിപ്പ്. തുടര്ച്ചയായി റേഡിയേഷന് ഏല്ക്കുന്നതു മൂലം യാത്രികള്ക്ക് പെട്ടെന്ന് തീരുമാനമെടുക്കാനുള്ള ശേഷി നഷ്ടമാകുമെന്നും അര്ബുദ സാധ്യത വര്ദ്ധിക്കുമെന്നാണ് സൂചന.
ചൊവ്വാ യാത്രികരെ മുഖ്യമായും കാത്തിരിക്കുന്നത് രണ്ട് തരത്തിലുള്ള അതിതീവ്ര റേഡിയേഷനുകളാണ്. സൂര്യനില് നിന്നും വരുന്ന റേഡിയേഷനുകളാണ് ഒരു വിഭാഗത്തില് ഉള്ളത്. രണ്ടാമത്തേത് സൗരയൂഥത്തിലെ മറ്റ് ഭാഗങ്ങളില് നിന്നും പുറപ്പെട്ടു വരുന്നവയാണ്. ഇത്തരം റേഡിയേഷനുകളുടെ ദൂഷ്യഫലങ്ങളില് നിന്നും ഭൂമിയിലെ ജീവജാലങ്ങളെ സംരക്ഷിക്കുന്നത് നമ്മുടെ അന്തരീക്ഷമാണ്. ഈ സുരക്ഷിതത്വത്തില് നിന്നും പുറത്ത് കടക്കുന്നതോടെയാണ് ചൊവ്വാ യാത്രികര്ക്ക് റേഡിയേഷന് വെല്ലുവിളി നേരിടേണ്ടി വരുന്നത്. രാജ്യാന്തര ബഹിരാകാശ നിലയങ്ങളില് ഉള്ളവര്ക്കു പോലും ഭൂമിയില് ഉള്ളതിനെക്കാള് 250 മടങ്ങ് കൂടുതല് റേഡിയേഷന് ഏല്ക്കേണ്ടി വരുന്നുണ്ട്.
ഇതിന്റെ ഗുരുതരാവസ്ഥ അറിയാനായി നാല്പ്പതോളം എലികളില് ചെറിയതോതില് റേഡിയേഷന് അടിപ്പിച്ച് പരീക്ഷണം നടത്തി. ആറുമാസത്തോളം ഇത് തുടര്ന്നു. ചൊവ്വാ യാത്രികര് നേരിടേണ്ടി വരുന്നതിനെക്കാള് ഉയര്ന്ന റേഡിയേഷനാണ് എലികളില് പ്രയോഗിച്ചത്. ഇക്കാര്യങ്ങള് ഗൗരവത്തിലെടുത്ത് ബഹിരാകാശ പേടകത്തില് റേഡിയേഷനെ കൂടുതല് പ്രതിരോധിക്കുന്ന ഷെല്ട്ടര് നിര്മ്മിക്കണമെന്നും നിര്ദേശം ഉയര്ന്നിട്ടുണ്ട്.
