നീണ്ടനാളത്തെ ഇടവേളയ്ക്ക് ശേഷം വീണ്ടും ഹോളിവുഡിലേക്ക് മടങ്ങിയെത്തുകയാണ് ലിന്ഡ ഹെമില്ടണ്. ടെര്മിനേറ്ററിലെ സാറ കോണര് എന്ന ഒരു കഥാപാത്രം മതി ലിന്ഡയെ തിരിച്ചറിയാന്. ഇപ്പോള് തന്റെ ജീവിതത്തെക്കുറിച്ച് താരം നടത്തിയ വെളിപ്പെടുത്തലാണ് ഹോളിവുഡ് ലോകത്തെയാകമാനം ഞെട്ടിച്ചിരിക്കുന്നത്.
കഴിഞ്ഞ 15 വര്ഷമായി താന് സെക്സില് ഏര്പ്പെട്ടിട്ടില്ലെന്നാണ് താരം പറയുന്നത്. '' കഴിഞ്ഞ 15 വര്ഷത്തോളമായി ഞാന് ബ്രഹ്മചാരിയായി കഴിയുകയാണ്. വഴി നഷ്ടപ്പെട്ടയാള്ക്ക് ഇതൊന്നും വലിയ കാര്യമല്ല, എന്റെ കാര്യത്തില് ഇത് തീരെ ബാധിച്ചില്ല. എന്റെ ഏറ്റവും പ്രിയപ്പെട്ട കലാകാരനായ കെഹിന്ഡ് വിലെയില് നിന്നുള്ള വിവാഹാലോചന മാത്രമേ ഞാന് സ്വീകരിക്കുകയുള്ളൂ'' - ലിന്ഡ പറഞ്ഞു.
പ്രമുഖ സംവിധായകന് ജെയിംസ് കാമറൂണിന്റെ മുന് ഭാര്യയാണ് ലിന്ഡ. ബ്രൂസ് അബോട്ടുമായിട്ടായിരുന്നു താരത്തിന്റെ ആദ്യ വിവാഹം. ഏഴ് വര്ഷത്തെ ദാമ്പത്യം 1989-ലാണ് അവസാനിക്കുന്നത്. തുടര്ന്നാണ് കാമറൂണിനെ വിവാഹം ചെയ്യുന്നത്. 1997-ല് വിവാഹിതരായ ഇവര് 1999-ല് വേര്പിരിഞ്ഞു.
