കൊച്ചി: തീരദേശ നിയമം ലംഘിച്ചുവെന്ന കാരണത്താല് പൊളിക്കണമെന്ന് സുപ്രീംകോടതി നിര്ദേശം നല്കിയ മരട് ഫ്ളാറ്റുകളുടെ കാര്യത്തില് ഉത്തരവാദിത്തമില്ലെന്ന് വ്യക്തമാക്കി ഫ്ളാറ്റ് നിര്മ്മാതാക്കള്. മരടിലെ ഫ്ളാറ്റുകള് നിയമാനുസൃതം ഫ്ളാറ്റ് ഉടമകള്ക്ക് വിറ്റതാണ്. പദ്ധതിയുമായി ഇപ്പോള് തങ്ങള്ക്ക് ബന്ധമില്ലെന്നും നിര്മ്മാതാക്കള് വ്യക്തമാക്കി. നഗരസഭയ്ക്ക് ഫ്ളാറ്റ് നിര്മ്മാതാക്കള് നല്കിയ മറുപടി കത്തിലാണ് ഇക്കാര്യം വ്യക്തമാക്കിയിരിക്കുന്നത്.
ഉടമകള് തന്നെയാണ് നികുതി അടയ്ക്കുന്നത്. എന്നാല് തങ്ങള്ക്ക് നോട്ടീസ് നല്കിയതിന്റെ കാരണം മനസിലാകുന്നില്ലെന്നും നിര്മ്മാതാക്കള് പറയുന്നു. നേരത്തെ വിഷയവുമായി ബന്ധപ്പെട്ട് നഗരസഭ ഫ്ളാറ്റ് നിര്മ്മാതാക്കള്ക്ക് നോട്ടീസ് നല്കിയിരുന്നു. ഇതിനുള്ള മറുപടിയായി നഏരസഭാ സെക്രട്ടറിക്ക് നല്കിയിരിക്കുന്ന കത്തിലാണ് നിര്മ്മാതാക്കള് കൈമലര്ത്തിയിരിക്കുന്നത്.
മരടിലെ അഞ്ച് ഫ്ളാറ്റ് സമുച്ചയങ്ങളാണ് പൊളിച്ചു നീക്കാന് സുപ്രീംകോടതി ഉത്തരവിട്ടത്. ഫ്ളാറ്റുകളില് നിന്ന് ഒഴിഞ്ഞുപോകാനുള്ള അവസാന തിയതി ഇന്ന് അവസാനിക്കും. ഒഴിഞ്ഞുപോയില്ലെങ്കില് മുന്നറിയിപ്പില്ലാതെ മറ്റ് നിയമനടപടികള് സ്വീകരിക്കുമെന്ന് നഗരസഭ നല്കിയ നോട്ടീസില് വ്യക്തമാക്കിയിട്ടുണ്ട്. 343 ഫ്ളാറ്റുകളിലായി 1472 പേരെ പുനരധിവസിപ്പിക്കേണ്ടി വരുമെന്ന് മരട് നഗരസഭ ജില്ലാ കളക്ടര്ക്ക് റിപ്പോര്ട്ട് നല്കിയിട്ടുണ്ട്.
