നല്ല ഭക്ഷണം കിട്ടാന് എത്ര ദൂരം വേണമെങ്കിലും സഞ്ചരിക്കാന് തയാറാകുന്നവരാണ് നമ്മളില് പലരും. ചില ഭക്ഷണശാലകളുടെ പേരില് പോലും കൗതുകം ഉണ്ടാകും. അത്തരത്തില് പേരില് മാത്രമല്ല മെനുവിനും കൗതുകം നിറച്ചിരിക്കുകയാണ് ഒരു ജ്യൂസ് കട. 'ഒലക്ക! ഒരു കട്ട ലോക്കല് ഐസ്ക്രീം കട.'- എന്നാണ് കടയുടെ പേര്. സോഷ്യല് മീഡിയയില് വൈറലായ കടയുടെ ഉടമ ഒരു സിനിമ പ്രാന്തനാണ്.
ജ്യൂസുകളുടെയും ഷേക്കുകളുടെയുമൊക്കെ മുന്നില് കിടിലന് സിനിമ ഡയലോഗുകളാണ് എഴുതിയിരിക്കുന്നത്. വാനില ഷേയ്ഖിന് നല്കിയിരിക്കുന്ന പേര് ആനക്കാട്ടില് ചാക്കോച്ചിയെന്നാണ്. ജഗന്നാഥന്, താരാദാസ്, ആടുതോമ, ഇന്ദുചൂഡന് എന്നിങ്ങനെയാണ് മറ്റുള്ളവയുടെ പേരുകള്. സ്ട്രോബറി, ബട്ടര്സ്കോച്ച്, സ്പാനിഷ് ഡിലൈറ്റ് എന്നിവയ്ക്കാണ് ഈ പേര് നല്കിയിരിക്കുന്നത്.
