തിരുവനന്തപുരം : പാലാരിവട്ടം പാലം അഴിമതിയുമായി ബന്ധപ്പെട്ട് മുന്മന്ത്രി വി.കെ ഇബ്രാഹിംകുഞ്ഞ് ഉടന് അറസ്റ്റിലായേക്കും. മുന് പൊതുമരാമത്ത് സെക്രട്ടറി ടി.ഒ സൂരജിന്റെ മൊഴിയുടെ അടിസ്ഥാനത്തില് ഇബ്രാഹിംകുഞ്ഞിനെ അന്വേഷണ സംഘം ഉടന് ചോദ്യം ചെയ്തേക്കുമെന്നാണ് വിവരം.
അഴിമതിയുമായി ബന്ധപ്പെട്ട് ഇബ്രാഹിം കുഞ്ഞിനെതിരെ ശക്തമായ തെളിവുകള് വിജിലന്സിന് ലഭിച്ചതായാണ് സൂചന. പാലാരിവട്ടം പാലവുമായി ബന്ധപ്പെട്ട എല്ലാ ഉത്തരവുകളും അന്നത്തെ പൊതുമരാമത്ത് വകുപ്പ് മന്ത്രി ഇബ്രാഹിംകുഞ്ഞിന്റെ അറിവോടെയാണ് നടന്നതെന്ന് ടി.ഒ സൂരജ് പറഞ്ഞിരുന്നു.
ഇതിനിടെ, ഉദ്യോഗസ്ഥരടക്കം കൂടുതല് പേരെ ചോദ്യം ചെയ്യാനുണ്ടെന്ന് വിജിലന്സ് കഴിഞ്ഞ ദിവസം കോടതിയെ അറിയിച്ചിരുന്നു. പാലം നിര്മാണം നടന്ന സമയത്ത് റോഡ് ആന്റ് ബ്രിഡ്ജസ് കോര്പ്പറേഷനിലും കിറ്റ്കോയിലും ചുമതലകളുണ്ടായിരുന്ന മുതിര്ന്ന ഉദ്യോഗസ്ഥരടക്കം ഉടന് പിടിയിലായേക്കും.
