മുംബൈ : ഇന്ത്യന് മുന് ക്യാപ്റ്റന് എം എസ് ധോണിയുടെ പിന്ഗാമി എന്ന അറിയപ്പെടുന്ന താരമാണ് ഋഷഭ് പന്ത്. എന്നാല് താരം ഇപ്പോള് വലിയ വിമര്ശനങ്ങള്ക്ക് നടുവിലാണ്. അവസരങ്ങള് ധാരാളം കിട്ടിയിട്ടും തന്റെ നിലവാരത്തിനൊത്ത് ഉയരാന് പന്തിന് സാധിച്ചിട്ടില്ല. അതുകൊണ്ട് തന്നെ ടീമില് നിലനില്ക്കുക എന്ന കാര്യത്തില് വലിയ സമ്മര്ദ്ദമാണ് താരത്തിന് ഇപ്പോള് നേരിടേണ്ടി വന്നത്. സഞ്ജു സംസണും, ഇഷാന് കിഷനും പന്തിന്റെ സ്ഥാനത്തേക്ക് അവസരം കാത്ത് നില്ക്കുന്നവരാണ്. ഇത് താരത്തിന്റെ സമ്മര്ദ്ദം കൂട്ടുകയാണ് ചെയ്യുന്നത്.
താരത്തിന്റെ മികച്ച പ്രകടനം എടുക്കാന് സാധിക്കാത്തതിനാല് വളരെ വിമര്ശനങ്ങളാണ് നേരിടേണ്ടി വരുന്നത്. എന്നാല് ഇത്തരം വിമര്ശനങ്ങള് പന്തിനെ വീണ്ടും സമ്മര്ദ്ദത്തിലേക്ക് ആക്കുക മാത്രമാണ് ചെയ്യുന്നത്. ഈ വിമര്ശനങ്ങള് താരത്തിന്റെ ഭാവി നശിപ്പിക്കാനെ കാരണമാകൂ എന്ന് പല താരങ്ങളും ചൂണ്ടിക്കാട്ടിയിരുന്നു.
ഇപ്പോഴിതാ പന്തിന് കട്ട സപ്പോര്ട്ടായി എത്തിയിരിക്കുകയാണ് മുന് ഇന്ത്യ താരം യുവരാജ് സിംഗ്. പന്തിനെ എല്ലാവരും ധോണിയായി ഉപമിക്കാറുണ്ട്. എന്നാല് ധോണി ഇങ്ങനെ ധോണി ഇങ്ങനെ എത്തിയത് വര്ഷങ്ങളെടുത്താണ്. അതുപോലെ പന്തും മികച്ച താരമായി മാറാന് വര്ഷങ്ങള് എടുക്കും. ടി 20 ലോകകപ്പിനായി ഇനി ഒരു വര്ഷം കൂടിയുണ്ട്. ഈ സമയം തന്നെ ധാരാളം. ഒരു ദേശീയ മാധ്യമത്തിന് നല്കിയ അഭിമുഖത്തിലാണ് താരം ഇക്കാര്യം പറഞ്ഞത്.
പന്തിന് മികച്ച രീതിയില് മുന്നേറണം എങ്കില് അദ്ദേഹത്തിന്റെ മാനസികാവസ്ഥ പോലെയിരിക്കും. ഇപ്പോഴെ താരത്തെ അടിച്ചമര്ത്താനാണ് ശ്രമിക്കുന്നതെങ്കില് അയാളുടെ മികച്ച് പ്രകടനം നമ്മക്ക് കാണാന് സാധിക്കില്ല. പന്തിന്റെ മാനസികാവസ്ഥ മാനസ്സിലാക്കിയുള്ള പദ്ധതി വേണം തയ്യാറാക്കാന്. യുവരാജ് പറഞ്ഞു.
