ന്യൂഡല്ഹി: ജമ്മു കശ്മീരിന് പ്രത്യേക പദവി നല്കുന്ന 370 ാം വകുപ്പ് എടുത്തു കളഞ്ഞതിനുള്ള പ്രതികാരമായി നരേന്ദ്രമോഡിയെയും ദേശീയ സുരക്ഷാ ഉപദേഷ്ടാവ് അജിത് ഡോവലിനെയും തീവ്രവാദി ഗ്രൂപ്പുകള് ലക്ഷ്യമിടുന്നതായി റിപ്പോര്ട്ട്. ജെയ്ഷെ മുഹമ്മദ് പാക് ചാരസംഘടനയായ ഐഎസ്ഐ യുമായി ചേര്ന്ന് ചാവേര് ആക്രമണത്തിന് പദ്ധതിയിട്ടിട്ടുള്ളതായി രഹസ്യാന്വേഷണ വിഭാഗമാണ് പറയുന്നത്.
ഇക്കാര്യം ലക്ഷ്യമിട്ട് 30 ചാവേറുകളെ ജെയ്ഷെ മുഹമ്മദ് സജ്ജമാക്കിയിരിക്കുകയാണ് എന്ന വിവരം വിദേശ രഹസ്യാന്വേഷണ ഏജന്സികള് ഇന്ത്യന് രഹസ്യാന്വേഷണ വിഭാഗത്തിന് കൈമാറുകയായിരുന്നു. പാക് തീവ്രവാദി സംഘടനയായ ജെയ്ഷ് ഇ മുഹമ്മദ് പ്രവര്ത്തകനായ ഷംഷേര് വാനി തന്റെ നേതാവുമായി നടത്തിയ ഒരു കയ്യെഴുത്തു പ്രതിയുടെ അടിസ്ഥാനത്തിലാണ് വിവരം. സെപ്തംബറില് വലിയ ആക്രമണം നടത്താന് ഉദ്ദേശിക്കുന്നതായിട്ടാണ് കത്തില് പറഞ്ഞിരിക്കുന്നത്. ജമ്മു, അമൃത്സര്, പത്താന്കോട്ട്, ജെയ്പൂര്, ഗാന്ധിനഗര്, കാണ്പൂര്, ലക്നൗ എന്നിങ്ങനെ 30 നഗരങ്ങളില് ആക്രമണ സാധ്യതയുണ്ടെന്ന മുന്നറിയിപ്പിനെ തുടര്ന്ന് സുരക്ഷ ശക്തമാക്കിയിട്ടുണ്ട്.
ഉറി ആക്രമണത്തിന്റെ പശ്ചാത്തലത്തില് നടത്തിയ സര്ജിക്കല് സ്ട്രൈക്ക്, ബലാക്കോട്ട് ഭീകര വിരുദ്ധ ഓപ്പറേഷനുകള് നടത്തിയതാണ് അജിത് ഡോവലിനെതിരേ ഭീഷണിക്ക് കാരണമായിരിക്കുന്നത്. ഇതോടെ അജിത് ഡോവലിന്റെ സുരക്ഷ എ ഇസഡ് പ്ളസാക്കി കൂട്ടിയിട്ടുണ്ട്. ഇന്ത്യന് സുരക്ഷാ വിഭാഗം ജെയ്ഷെയുടെ കശ്മീരിലെ കരുത്ത് ചോര്ത്തിയതും ബലാക്കോട്ടേയിലെ ഭീകര ക്യാമ്പുകള്ക്ക് മേല് നടത്തിയ വ്യോമാക്രമണവും നടത്തി ഇന്ത്യന് സൈന്യം നടത്തിയ അപമാനമാണ് ഭീകര സംഘടനകയ്ക്ക് കൂടുതല് വിദ്വേഷത്തിന് കാരണമായിരിക്കുന്നത്.
ഇതിന് പിന്നാലെ ആഗസ്റ്റ് 5 ന് ജമ്മു കശ്മീരിന് നല്കിയിരുന്ന പ്രത്യേക പദവി എടുത്തു മാറ്റുകയും ചെയ്തതാണ് മോഡിക്കും ഡോയലിനുമെതിരേ തിരിയാന് കാരണമായിരിക്കുന്നത്. ഓഗസ്റ്റ് 5 മുതല് ഇന്ത്യയിലേക്ക് തീവ്രവാദികളെ അയയ്ക്കാന് ജെയ്ഷെ ഇ മുഹമ്മദ് ശ്രമം നടത്തുന്നുണ്ട്.
പാക് സൈന്യത്തിലെ ബോര്ഡര് ആക്ഷന് ടീമിന്റെ സഹായത്തോടെ സിആര്പിഎഫ് ജവാന്മാരെ ലക്ഷ്യമിട്ട് പുല്വാമ സ്റ്റൈല് ചാവേര് ആക്രമണത്തിനുള്ള നീക്കം സൈന്യം പൊളിച്ചിരുന്നു. സെപ്തംബര് 12, 13 ദിവസങ്ങള് രാത്രിയില് ചാവേറുകള് പാക് അധീന കശ്മീരിലെ ഹാജി പിര് സെക്ടര് വഴി ഇന്ത്യയിലേക്ക് നുഴഞ്ഞുകയറാന് ശ്രമം നടത്തിയിരുന്നു. എന്നാല് ഇന്ത്യന് സുരക്ഷാ വിഭാഗങ്ങള് എല്ലാ നീക്കങ്ങളും തകര്ക്കുകയായിരുന്നു.
