കൊച്ചി : പിറവം സെന്റ് മേരിസ് പള്ളിയില് യാക്കോബായ-ഓര്ത്തഡോക്സ് വിഭാഗം തമ്മിലുള്ള സംഘര്ഷം കനക്കുന്നു. നാടകീയ രംഗങ്ങളാണ് പിറവം പള്ളി പരിസരത്ത് നടന്നുകൊണ്ടിരിക്കുന്നത്.
പള്ളിക്കുള്ളിലുള്ള യാക്കോബായ വിശ്വാസികളെ അറസ്റ്റു ചെയ്ത് നീക്കി ഒന്നേമുക്കാലിന് റിപ്പോര്ട്ട് നല്കണമെന്ന ഹൈക്കോടതി നിര്ദേശം നടപ്പാക്കാന് പോലീസ് ബലപ്രയോഗത്തിലേയ്ക്ക് ഉള്പ്പെടെ നീങ്ങുകയാണ്. ഗേറ്റ് തുറക്കാന് യാക്കോബായ വിശ്വാസികള് തയ്യാറാകാതിരുന്നതോടെ പള്ളിയുടെ പ്രധാന ഗേറ്റ് പോലീസ് ഇരുമ്പ് ഗട്ടര് ഉപയോഗിച്ച് അറുത്തു മാറ്റി.
പോലീസ് ബലം പ്രയോഗിച്ച് ഗേറ്റ് തുറന്നതോടെ വിശ്വാസികള് നിലത്ത് കുത്തിരുന്ന് പ്രതിഷേധിക്കുകയാണ്. ബിഷപ്പുമാര് ഉള്പ്പെടെയുള്ളവരെ പോലീസ് അറസ്റ്റു ചെയ്ത് നീക്കുകയാണ്. വന് പോലീസ് സന്നാഹമാണ് സ്ഥലത്ത് തമ്പടിച്ചിരിക്കുന്നത്.
അതേസമയം, പള്ളിയില് നിന്നും ഇറങ്ങില്ലെന്ന നിലപാടില് പ്രതിഷേധക്കാര് ഉറച്ച് നില്ക്കുകയാണ്.
