പാലാ: പാലാ ഉപതിരഞ്ഞെടുപ്പില് പി.സി. ജോര്ജിന്റെ ജനപക്ഷവും വെള്ളാപ്പള്ളി നടേശനും ബിഡിജെഎസും സഹായിച്ചുവെന്നും എല്ഡിഎഫ് സ്ഥാനാര്ത്ഥി മാണി സി കാപ്പന്. കേരള കോണ്ഗ്രസിനോട് വിരോധമുള്ളവര് വോട്ട് ചെയ്തു തന്നെ സഹായിച്ചുവെന്നും മാണി സി കാപ്പന് കൂട്ടിച്ചേര്ത്തു.ജോസ് വിരോധവും പാലായില് മുന്നേറ്റത്തിന് സഹായിച്ചെന്നും മാണി സി കാപ്പന് പറഞ്ഞു.
അട്ടിമറി വിജയത്തില് ഭൂരിപക്ഷം പതിനായിരം കടക്കുമെന്നും കാപ്പന് പറഞ്ഞു. ഇതിനിടെ യുഡിഎഫ് പ്രവര്ത്തകര്ക്കു നേരെ മാണി സി കാപ്പന് ഒളിയമ്പും എയ്തു. ലഡുവും പടക്കവുമൊന്നും തങ്ങള് ശേഖരിച്ചിട്ടില്ലെന്നും വോട്ട് എണ്ണിത്തീര്ന്നു കഴിഞ്ഞാല് യുഡിഎഫ് പ്രവര്ത്തകര് വാങ്ങി ശേഖരിച്ച പടക്കങ്ങളും മധുരവും പകുതി വിലയ്ക്ക് വാങ്ങിയേക്കാമെന്നുമായിരുന്നു കാപ്പന്റെ പ്രതികരണം. ഇതൊന്നും വാങ്ങാന് കിട്ടാത്ത സാധനങ്ങളല്ലെന്നും അദേഹം കൂട്ടിച്ചേര്ത്തു.
