അന്റാര്ട്ടിക്കയില് കൂറ്റന് മഞ്ഞുമല ഇടിഞ്ഞു വീണു. 'അമേരി' എന്ന മഞ്ഞുതിട്ടയില് നിന്നാണ് 600 ചതുരശ്ര മൈല് വലുപ്പമുള്ള മഞ്ഞുമല അടര്ന്നു വീണിരിക്കുന്നത്.
ഒന്നും രണ്ടുമല്ല 32 കോടി ടണ് ഐസുകട്ടയാണ് കടലിലേയ്ക്ക് ഇടിഞ്ഞു വീണിരിക്കുന്നത്. കേള്ക്കുമ്പോള് പേടി തോന്നുമെങ്കിലും ഇത് കാലാവസ്ഥാ വ്യതിയാനത്തിന്റെ ഭാഗമല്ലെന്നാണ് ശാസ്ത്രജ്ഞര് പറയുന്നത്.
മഞ്ഞുമലകള്ക്ക് വിസ്തീര്ണ്ണം പ്രാപിക്കുന്നതുകൊണ്ട് അവയ്ക്ക് ഇല്ലാതാകുകയും വേണ്ടതുണ്ട്. മഞ്ഞുവീഴ്ച മൂലം വിസ്തീര്ണ്ണം പ്രാപിക്കുന്ന ഇവ പൂര്വസ്ഥിതിയില് തന്നെ നില്ക്കാന് വേണ്ടിയാണ് ചില ഭാഗങ്ങള് ഇത്തരത്തില് അടരുന്നത്. ഇത് ഏറെ പ്രാധാന്യമുള്ള ഒരു പ്രക്രിയയാണ്. അതിനെ കാലാവ്സഥാ വ്യതിയാനമായി തെറ്റിദ്ധരിക്കേണ്ടതില്ലെന്നും ഗ്രീന്ലാന്റിലും മറ്റും സംഭവിക്കുന്നതുമായി ഇതിന് ബന്ധമില്ലെന്നും വിദഗ്ധര് പറയുന്നു.
