റിയാദ്: കേന്ദ്ര സുരക്ഷാ ഉപദേഷ്ടാവ് അജിത് ഡോവല് സൗദി കിരീടവകാശി മുഹമ്മദ് ബിന് സല്മാനുമായി കൂടിക്കാഴ്ച നടത്തി. പാകിസ്ഥാന് പ്രധാനമന്ത്രി ഇമ്രാന് ഖാന് സൗദി കിരീടാവകാശി കൂടിക്കാഴ്ച നടത്തിയതിന് പിന്നാലെയാണ് ഡോവല് കൂടിക്കാഴ്ച നടത്തിയത്.
ഇരുവരും തമ്മില് രണ്ട് മണിക്കൂറോളം കൂടിക്കാഴ്ച നടത്തി. കശ്മീര് വിഷയമാണ് പ്രധാനമായും ചര്ച്ചയായത്. കൂടാതെ ഇരുരാജ്യങ്ങളും തമ്മിലുള്ള സഹകരണവും ചര്ച്ചാ വിഷയമായെന്നാണ് റിപ്പോര്ട്ട്. ഇന്ത്യയില് 10000 കോടി ഡോളറിന്റെ നിക്ഷേപത്തിന് സൗദി ഒരുങ്ങിയിരിക്കെയാണ് അജിത് ഡോവലിന്റെ സൗദി സന്ദര്ശനമെന്നതും ശ്രദ്ധേയമാണ്.
കശ്മീരില് ഇന്ത്യ സ്വീകരിച്ച നടപടികള് ഡോവല് സൗദി കിരീടവകാശിയെ ബോധിപ്പിച്ചു. ഇന്ത്യയുടെ നിലപാട് മുഹമ്മദ് ബിന് സല്മാന് ബോധ്യമായി എന്നാണ് റിപ്പോര്ട്ടുകള്.
കഴിഞ്ഞ ആഗസ്റ്റിലാണ് ജമ്മു കശ്മീരിനുള്ള പ്രത്യേക അധികാരം നല്കുന്ന ഭരണഘടനാ അനുഛേദം 370 കേന്ദ്രസര്ക്കാര് എടുത്ത് കളഞ്ഞത്. തുടര്ന്ന് രണ്ട് കേന്ദ്രഭരണ പ്രദേശമാക്കി പിരിക്കുകയും ചെയ്തിരുന്നു.
