കൊല്ക്കത്ത: ഇന്ത്യയില് പലയിടത്തും കുമാരി പൂജ സാധാരണമാണ്. ചെറിയ പെണ്കുട്ടികളെ ദുര്ഗാ ദേവിയായി കണ്ട് ആരാധിക്കുന്ന ഒരു ചടങ്ങാണ് കുമാരി പൂജ. കൊല്ക്കത്തയിലെ വിശ്വാസികളുടെ ഇടയില് ദുര്ഗാ പൂജ വലിയ ആഘോഷമാണ്. 120 വര്ഷം മുന്പ് സ്വാമി വിവേകാനന്ദന് ജമ്മു- കശ്മീരിലെ ഒരു ഇസ്ലാം മത വിശ്വാസിയായ തോണിക്കാരന്റെ മകളെ പൂജയില് ആരാധിച്ചിരുന്നു. ഇത്തവണ കൊല്ക്കത്തിലെ തമല് ദത്ത കുടുംബത്തിന്റെ ദുര്ഗാ പൂജയിലെ ചടങ്ങുകള് വിവേകാനന്ദന് നടത്തിയ കുമാരി പൂജയെ അനുസ്മരിക്കുന്നതായിരുന്നു.
ഉത്തര്പ്രദേശിലെ ഫാത്തേപൂര് സിക്രിയില് നിന്ന് അമ്മയോടൊപ്പം എത്തിയ നാലുവയസുകാരി ഫാത്തിമയായിരുന്നു തമല് ദത്ത കുടുംബത്തിലെ കുമാരി പൂജയിലെ ദുര്ഗാ ദേവി. ബ്രാഹ്മണ പെണ്കുട്ടകളെ കൊണ്ടുവന്ന് ആരാധിച്ചിരുന്ന കുമാരി പൂജ 2013 മുതല് ഇതര മതസ്ഥരേയും ദളിത് വിഭാഗത്തില്പ്പെട്ടവരുമായ പെണ്കുട്ടികളെ കൊണ്ട് വന്നാണ് നടത്തുന്നത്.
ഫാത്തിമയുടെ പിതാവ് മുഹമ്മദ് താഹിര് ആഗ്രയില് പലചരക്ക് കട നടത്തുകയാണ്. തമല് ദത്ത കുടുംബത്തിലെ ജോലിക്കാരിയാണ് ഫാത്തിമയുടെ അമ്മ ബുഷ്റാ ബിവി.
കമര്ഹാട്ടി മുന്സിപാലിറ്റി നോര്ത്ത് 24 നാണ് തമല് ദത്തയുടെ കുടുംബം. എഞ്ചിനീയറാണ് തമല് ദത്ത. അദ്ദേഹത്തിന്റെ ഭാര്യ മൗഷമി അഭിഭാഷകയാണ്. മഹാഷ്ടമിയുടെ രണ്ടാം ദിവസം മുതലാണ് നാലു ദിവസത്തെ പൂജ നടക്കുന്നത്.
