കൊല്ക്കത്ത: ദുര്ഗാപൂജാ ആഘോഷങ്ങളില് പങ്കെടുത്ത എം.പി നുസ്രത്ത് ജഹാനെകിരെ ഇസ്ലാമിക മത സംഘടനകള്. നുസ്രത്തിന്റെ നടപടി ഇസ്ലാമിക വിരുദ്ധമാണെന്നാണ് ആരോപണം. ഹിന്ദു ബിസ്സിനസ്സുകാരനെ വിവാഹം ചെയ്ത നുസ്രത്ത് പേരുമാറ്റണമെന്നും ഇവര് ആവശ്യപ്പെടുന്നു.
' സര്വ്വശക്തനായ അല്ലാഹുവിനെയല്ലാതെ മറ്റൊരു ദൈവത്തിനു മുന്നില് പ്രാര്ത്ഥിക്കാന് ഇസ്ലാം അനുയായികളെ അനുവദിക്കുന്നില്ല. തികച്ചും ഇസ്ലാമിക വിരുദ്ധമായ പൂജയാണ് നുസ്രത്ത് ജഹാന് നടത്തിയത്.' ഇതിയാസ് ഉലമ ഇ ഹിന്ദ് വൈസ് പ്രസിഡന്റ് മുഫ്തി ആസാദ് കാസിമി പറഞ്ഞു.
നുസ്രത്ത് ജഹാന് ഇസ്ലാം മതം പിന്തുടരുന്നില്ല. അവര് വിവാഹം ചെയ്തത് ഒരു അമുസ്ലീമിനെയാണ്. ഇസ്ലാമില് വിശ്വാസമില്ലാത്ത ഒരാളെന്ന നിലയില് അവര് അവരുടെ പേര് മാറ്റാന് തയ്യാറാകണം. എന്തിനാണ് അവര് വീണ്ടും ഇസ്ലാമിനെ അപമാനിക്കുന്നതെന്നും അദ്ദേഹം കൂട്ടിച്ചേര്ത്തു.
ചുവപ്പ് പട്ടുടുത്താണ് നുസ്രത്ത് പൂജയ്ക്കെത്തിയത്. വാദ്യോപകരണമായ ധാക്ക് മുഴക്കിയും ദുര്ഗാ ദേവിയെ പ്രാര്ത്ഥിച്ചുമാണ് ദുര്ഗാഷ്ടമി ദിനത്തില് ഇരുവരും പങ്കെടുത്തത്. ആഘോഷങ്ങളുടെ വിഡിയോകളും ചിത്രങ്ങളും ഇരുവരും സോഷ്യല് മീഡിയയിലൂടെ പങ്കുവെയ്ക്കുകയും ചെയ്തിരുന്നു.
ഒരു മുസ്ലീം ആയിട്ടും ദുര്ഗാ പൂജ നടത്തുന്നതിനെ കുറിച്ചുള്ള ചോദ്യത്തിന് ഓരോ മതത്തിന്റേയും ഐക്യത്തിനായുള്ള ആഘോഷങ്ങള്ക്ക് എനിക്ക് എന്റേതായ രീതികളുണ്ടെന്നായിരുന്നു മറുപടി. സാസ്കാരികവും പാരമ്പര്യവും പിന്തുടരുന്നത് ശരിയാണെന്നാണ് താന് കരുതുന്നതെന്നും ഇവിടെ ഞങ്ങള് എല്ലാ മതത്തിന്റേയും ഉത്സവങ്ങള് ആഘോഷിക്കാറുണ്ടെന്നുമായിരുന്നു അവര് പറഞ്ഞത്.
