ഗീതു മോഹന്ദാസ് സംവിധാനം ചെയ്യുന്ന മൂത്തോന്റെ ട്രെയിലര് നിവിന് പോളിയുടെ പിറന്നാള് ദിനമായ ഒക്ടോബര് 11ന് എത്തും. ഗീതു തന്നെയാണ് ഇക്കാര്യം ഫേയ്സ്ബുക്കിലൂടെ അറിയിച്ചത്. ഗീതു മോഹന്ദാസ് രചനയും നിര്വ്വഹിക്കുന്ന സിനിമ ടൊറന്റോ ഫിലിം ഫെസ്റ്റിവലില് പ്രദര്ശിപ്പിച്ചിരുന്നു. ഭായി എന്ന വിളിപ്പേരുള്ള അക്ബര് എന്ന കഥാപാത്രത്തെയാണ് നിവന് പോളി അവതരിപ്പിക്കുന്നത്.
റോഷന് മാത്യു, ഷഷാങ്ക് അറോറ, ദിലീഷ് പോത്തന് എന്നിവരും സിനിമയില് പ്രധാനവേഷത്തിലെത്തുന്നു. ഈ ചിത്രത്തിലെ പ്രകടനം കണ്ടതിന് ശേഷമാണ് റോഷന് മാത്യുന് അനുരാഗ് കശ്യപ് ചിത്രത്തില് അവസരം ലഭിച്ചത്. മോത്തോന്റെ നിര്മ്മാണത്തിലും സംഭാഷണ രചനയിലും അനുരാഗ് കശ്യപും ഭാഗമാണ്.
മുംബൈ അന്താരാഷ്ട്ര ചലചിത്ര മേളയില് ഉദ്ഘാടന ചിത്രമായി മൂത്തോന് പ്രദര്ശിപ്പിക്കുന്നുണ്ട്. ഈ മാസം 21 ന് തുടങ്ങാനിരിക്കുന്ന മാമി ഫെസ്റ്റിവലിലും മൂത്തോന് ഇടം നേടിയിട്ടുണ്ട്. നിരവധി ദേശീയ പുരസ്കാരങ്ങള്ക്ക് അര്ഹമായ ലയേഴ്സ് ഡയസിന് ശേഷം ഗീതു മോഹന്ദാസ് സംവിധാനം ചെയ്യുന്ന ചിത്രമാണ് മൂത്തോന്. ഛായാഗ്രാഹണം നിര്വ്വഹിക്കുന്നത് രാജീവ് രവിയാണ്.
