വിജയ്യും നയന്താരയും പ്രധാനവേഷത്തിലെത്തുന്ന പുതിയ തമിഴ് ചിത്രം ബിഗിലിന്റെ ട്രെയിലര് കഴിഞ്ഞ ദിവസമാണ് പുറത്തുവന്നത്. ട്രെയിലറിന് മുമ്പേ ചിത്രത്തിന് വലിയ സ്വീകാര്യത നല്കിയ ഗാനങ്ങളിലൊന്നാണ് എ.ആര്.റഹ്മാന്റെ സിംഗപ്പെണ്ണേ എന്ന ഗാനം. 'വുമണ് ആന്ഥം' എന്ന പേരിലാണ് അണിയറ പ്രവര്ത്തകര് ഗാനം ഇറക്കിയിരുന്നത്. എന്നാല് ആ ഗാനത്തേയും ചിത്രത്തിന്റെ പോസ്റ്ററിനേയും വിമര്ശിച്ച് രംഗത്തെത്തിയിരിക്കുന്ന ആര്.ജെ സലീമിന്റെ പോസ്റ്റ് ശ്രദ്ധേയമാവുകയാണ്.
ചിത്രത്തിന്റെ പോസ്റ്ററില് നിറമുള്ള പെണ്കുട്ടികള് മുന്നില് ഇരുണ്ട നിറമുള്ളവര് പിന്നിലുമായാണ് നില്ക്കുന്നത്. വുമണ് ആന്ഥത്തിന്റെ പേരില് റേസിസമെന്ന് സലീം കുറിക്കുന്നു. 'പാടുന്നത് ഒരു ആണ്. ആണിന്റെ കണ്ണിലെ പെണ്ണിനെക്കുറിച്ചാണ് വരികള് മുഴുവനും. എന്നിട്ടും വുമണ് ആന്ഥം ന്ന വിളിയാ ബാക്കി. ആദ്യത്തെ വരി തന്നെ സിംഹ പെണ്ണെ ആണ് വംശം നിന്നെ വണങ്ങുന്നു എന്നാണ്. ടോണ് പിടി കിട്ടിയോ ? ഓള്റെഡി കിടിലമായ ആണ്വംശം അത്ര കിടിലമല്ലാത്ത പെണ്ണിനെ വണങ്ങുന്നു എന്ന്. ലൈന് ബൈ ലൈന് എടുത്തു വെച്ച് നോക്കിയാല് സംഗതി മുട്ടന് വിറ്റാണ്. എന്നാലും ഒരു സില പ്രധാനപ്പെട്ട കോമഡികള് പങ്കുവെയ്ക്കാം.'
കുറിപ്പിന്റ പൂര്ണരൂപം
സിംഗപ്പെണ്ണേ
There are so many things wrong. എന്റെ ഭാര്യക്കും അമ്മയ്ക്കും സ്ത്രീകള്ക്ക് പൊതുവിലുമായി ഡെഡിക്കേറ്റ് ചെയ്യാനൊരു വുമണ് ആന്ഥം ഉണ്ടാക്കണമെന്നാണ് പാട്ടിന്റെ തുടക്കത്തില് സംവിധായകന്, റഹ്മാനോട് ആവശ്യപ്പെടുന്നത്. ശരി, നല്ല കാര്യം.
അതിനു മുന്പേ ഒരു കാര്യം പറയട്ടെ, സിംഗപ്പെണ്ണേ പാട്ടു റിലീസിനായുള്ള സിനിമയുടെ പോസ്റ്ററാണിത്. മീഡിയം ബില്റ്റ് ശരീരമുള്ള, ഫെയര് സ്കിന്ടോണ് ഉള്ളവര് നേരെ നടുക്ക്. നായകന്റെ ഇടുവശത്തും. ഫെയര് ആന്ഡ് ലാവ്ലിയുടെ പരസ്യത്തിലെ കളര് ഗ്രെയ്ഡിങ് കാര്ഡ് പോലെ വശങ്ങളിലേക്ക് പോകുന്തോറും ഇരുണ്ട നിറമുള്ളവര്, തടിയുള്ളവര് ഒക്കെ. വുമണ് ആന്ഥത്തിന്റെ പോസ്റ്ററില് തന്നെ റേസിസം. അടിപൊളി.
ചിലപ്പോള് സവര്ണ്ണ, 'സുന്ദര' സ്ത്രീകള്ക്ക് മാത്രമായുള്ള ആന്ഥം ആയിരിക്കും. ശരി അതും പോട്ടെ, ഈ സ്ത്രീകള്ക്കായുള്ള പാട്ടെന്നു പറഞ്ഞിട്ടു അതിലും വിജയ് അണ്ണനെ എന്തിനാണ് കൊണ്ട് നടുക്ക് വെച്ചിരിക്കുന്നത്. എന്നാലേ വിറ്റുപോകൂ എന്ന് ദയവു ചെയ്തു ന്യായം പറയരുത്. അങ്ങനെയെങ്കില് വുമണ് ആന്ഥം ഉണ്ടാക്കലാണ് എന്ന ഉദ്ദേശം ആദ്യമേ പൊളിഞ്ഞു വീഴും.
പേട്രണൈസിങ് എന്നാല് പച്ചമലയാളത്തില് തന്ത കളി എന്നാണര്ത്ഥം. ഉദാഹരണത്തിന് ഒരു ദളിതനോട് ഒരു ബ്രാഹ്മണന് വളരെ കരുണയോടെ പറയുവാണ്, ശരിക്കും നീയാണ് കിടു, നീ പാടം കൊയ്യും, പറമ്പു കിളയ്ക്കും, നീ സൂപ്പറാണ്. നീ വിചാരിച്ചാല് എന്തും നടക്കും, നിനക്ക് വേണ്ട എല്ലാ സഹായങ്ങളും ഞാന് ഏര്പ്പാടാക്കി തരാം. അണ്ടര്ലൈന് ദി വേര്ഡ് സഹായം. ഞാന് കൂടി പിടിച്ചു വെച്ചനുഭവിക്കുന്ന നിന്റെ അവകാശം എന്നല്ല, ഞാനങ്ങു നിന്നെ സഹായിക്കാമെന്നാണ് ഓഫര്.
ഏകദേശം ആ ഒരു ലൈനാണ് സിംഗപ്പെണ്ണേ പാട്ടു മുഴുവന്. പാടുന്നത് ഒരു ആണ്. ആണിന്റെ കണ്ണിലെ പെണ്ണിനെക്കുറിച്ചാണ് വരികള് മുഴുവനും. എന്നിട്ടും വുമണ് ആന്ഥം ന്ന വിളിയാ ബാക്കി. ആദ്യത്തെ വരി തന്നെ സിംഹ പെണ്ണെ ആണ് വംശം നിന്നെ വണങ്ങുന്നു എന്നാണ്. ടോണ് പിടി കിട്ടിയോ ? ഓള്റെഡി കിടിലമായ ആണ്വംശം അത്ര കിടിലമല്ലാത്ത പെണ്ണിനെ വണങ്ങുന്നു എന്ന്. ലൈന് ബൈ ലൈന് എടുത്തു വെച്ച് നോക്കിയാല് സംഗതി മുട്ടന് വിറ്റാണ്. എന്നാലും ഒരു സില പ്രധാനപ്പെട്ട കോമഡികള് പങ്കുവെയ്ക്കാം.
.
'അണ്ണൈ തങ്കൈ മനൈവി എന്ഡ്റ് നീ വടിത്ത വിയര്വൈ ഉന്തന് പാദയ്ക്കുള് പട്ട്റും അന്ത തീയയ് അണയ്ക്കും '
അമ്മയായും പെങ്ങളായും ഭാര്യയായുമൊക്കെ പൊടിച്ച വിയര്പ്പുകള് നിന്റെ പാദത്തിനടിയിലെ തീയണയ്ക്കും. അതായത് എന്റെ പല ബന്ധു തസ്തികകളില് നിന്ന് നീ എനിക്കൊരുപാട് സര്വീസ് ചെയ്തു തന്നില്ലേ, അത് നിന്റെ ഇപ്പോഴത്തെ ബുദ്ധിമുട്ടൊക്കെ അങ്ങ് കുറയ്ക്കുമെന്ന്. കിടുവല്ലേ ?
.
'നീ ബയം ഇന്ദ്രി തുനിന്തു സെല്ല് '
നീ ധൈര്യമായി പുറത്തോട്ടു പോരെ എന്ന്. അതെന്താണ് അപ്പോള് ഇതുവരെ പുറത്തു വരാതിരുന്നത് ? പേടിയായിരുന്നോ ? ആരെ ? ഉത്തരം പറയണ്ടല്ലോ അല്ലെ. അപ്പൊ ഉദ്ദേശിക്കുന്നത് നമ്മള് ആണുങ്ങള് ഒന്നും ചെയ്യില്ല അതുകൊണ്ടിനി പുറത്തേക്ക് ധൈര്യമായി വരൂ എന്നാണോ അതോ നമ്മളിപ്പോ ഡീസന്റായി എന്നാണോ ? മച്ചമ്പി അതൊരു സെല്ഫ് ഗോളല്ലേ ആ പോയത് ?
.
'ഉലഗത്തിന് വലിയെല്ലാം വന്താല് എന്ന ഉന് മുന്നെ, പ്രസവത്തിന് വലിയെയ് താണ്ട പിറന്ത അഗ്നി സിറകെ '
അതായത് പ്രസവിക്കലിന്റെ വേദനയൊക്കെ സഹിക്കുന്ന നിങ്ങള് പുലിയാണ് എന്ന്. ഒന്നാമത്തെ കാര്യം ഇതൊന്നുമൊരു ഓപ്ഷനല്ല. രണ്ടു അഗ്നി സിറിക് ഫിറ്റ് ചെയ്യൂ എന്ന് പറഞ്ഞു ജനിക്കാന് പറ്റില്ലല്ലോ. അതുകൊണ്ടു തന്നെ അതിന്റെ പേരിലെ ദൈവീകവല്ക്കരണം ഭയങ്കര ബോറാണ്. അല്ലെങ്കിലേ ഒന്നുകില് ദേവി അല്ലെങ്കില് മൂദേവി എന്ന ദ്വന്ദ്വത്തിലല്ലാതെ സ്ത്രീകളെ പോര്ട്രെയ് ചെയ്യപ്പെടാറില്ല. അടുത്ത കാര്യം ഈ പ്രസവമൊന്നുമല്ല ഒരു വുമണ് കണ്ടീഷന്റെ അള്ട്ടിമേറ്റ് ഗോള്. ലക്ഷം തവണ പറയപ്പെട്ടിട്ടുള്ള കാര്യാണ് , എന്നാലും മനസ്സിലായില്ലെങ്കില് വീണ്ടും പറയാതെ വഴിയില്ലല്ലോ.
ഇനിയാണ് കിടു. അഗ്നി സിറകേ എറിന്തു വാ എന്ന് തുടങ്ങുന്ന വരികള് ശ്രദ്ധിക്കുക. അഗ്നി സിറകേ (പെണ്ണേ) എണീറ്റ് വാ നിന്റെ സ്വപ്നവും ആഗ്രഹങ്ങളുമൊക്കെ നിറവേറ്റാന് ഞങ്ങള് സഹായിക്കാമെന്നും ഇതൊന്നും നശിച്ചുപോകാതെ നോക്കിക്കോളാം എന്നുമാണ് അതിന്റെ ഒരു ഏകദേശ തര്ജ്ജമ. ശെടാ, ഇതിപ്പോ ആരാ ഇവിടെ ശരിക്കും ഫോക്കസ് ? ആണാണോ പെണ്ണാണോ ? സിംഗപ്പെണ്ണേ എന്നൊക്കെ വിളിച്ചു സുഖിപ്പിച്ചിട്ടു, നിന്റെ സ്വപ്നമൊക്കെ ഞാന് സെറ്റാക്കി തരാമെന്നു ആണിരുന്നങ്ങു പാടുകയാണ്. അപ്പൊ ആണല്ലേ ശരിക്കും ഈ പാട്ടിലെ ഹീറോ. ഈ സിംഗപ്പെണ്ണേ വിളി തന്നെ മുടിഞ്ഞ പെട്രണൈസിംഗാണ്, അപ്പോഴാണ് അതിന്റെ ബാക്കിയായിട്ടു ഇതുംകൂടി.
റഹ്മാന്റെ നല്ലൊരു പാട്ടിനെ കീറിമുറിച്ച അരസികന് എന്ന് കരുതരുത്. ഈ പാട്ടെനിക്കും ഇഷ്ടമാണ്. റഹ്മാന്റെ പണി അസ്സലായി ചെയ്തിട്ടുണ്ട്. പക്ഷെ ഒരു പൊളിറ്റിക്കല് സ്റ്റേറ്റ്മെന്റ് ഒക്കെ ഇതിനകത്തുണ്ട് എന്ന് കുറേപ്പേരെങ്കിലും കരുതുന്നുണ്ട്. അതുകൊണ്ടു പറഞ്ഞതാണ്.
അല്ലാതെ വിജയ് സിനിമയിലെ വരികളുടെ ഇടയില്ക്കയറി രാഷ്ട്രീയ ശരി തപ്പാനുള്ള ബോധമില്ലായ്മയൊന്നും ഇല്ല. ഇതും പതിവ് വിജയ് സിനിമ തന്നെയാകും. വിജയ് ഇവിടെ സ്ത്രീകളുടെ രക്ഷകനാണ് എന്ന വ്യത്യാസമേയുള്ളൂ. വുമണ് കോസ് എന്നൊക്കെപ്പറഞ്ഞു അതിന്റെ ഇപ്പോഴത്തെ ഹോട്ട് ഇമേജില്ക്കൂടി പത്തുപുത്തന് ഉണ്ടാക്കാനുള്ള ഐഡിയ. അത്രേയുള്ളൂ.
