ന്യൂഡല്ഹി: കള്ളപ്പണ ഇടപാടുകള് തടയുന്നതിന്റെ ഭാഗമായി രാജ്യത്ത് 2000 ന്റെ നോട്ടും പിന്വലിക്കാന് പോകുന്നതായി റിപ്പോര്ട്ട്. നിലവില് നോട്ടിന്റെ അച്ചടി നിര്ത്തിയതായും നടപ്പു സാമ്പത്തീക വര്ഷത്തില് 2000 ന്റെ ഒരു നോട്ടു പോലും അച്ചടിച്ചിട്ടില്ല എന്നുമാണ് റിപ്പോര്ട്ടുകള്. റിസര്വ് ബാങ്കില് നിന്നുള്ള ഒരു വിവരാവകാശ രേഖയ്ക്ക് കിട്ടിയ മറുപടിയുടെ അടിസ്ഥാനത്തിലാണ് വാര്ത്ത.
നോട്ടു പൂഴ്ത്തിവെയ്ക്കല് തടയുന്നതിന്റെ ഭാഗമായിട്ടാണ് നടപടിയെന്നാണ് ന്യായീകരണം. നോട്ടടിച്ച് ഇറക്കുന്നതില് കുറവ് വരുത്തിയ ശേഷം അച്ചടി പൂര്ണ്ണമായും നിര്ത്തി. നോട്ട് നിരോധിക്കുന്നത് കടുത്ത സാമ്പത്തീക പ്രത്യാഘാതം ഉളവാക്കുന്നതിനാല് പ്രചരണത്തിന് നിയന്ത്രണം വരുത്തുകയാണ് ഗുണകരമായ മാര്ഗ്ഗമെന്നാണ് സാമ്പത്തീക വിദഗ്ദ്ധര് പറയുന്നത്. നോട്ടു നിരോധനത്തിന് പിന്നാലെ 2000 ന്റെ 354 കോടി നോട്ടുകളാണ് 2016-17 ല് അച്ചടിച്ചത്. 2017-18 ല് ഇത് 11 കോടി നോട്ടുകളായി അച്ചടി ചുരുക്കി. കഴിഞ്ഞ സാമ്പത്തിക വര്ഷം 4.6 കോടി രൂപയായും കുറച്ചു.
അടുത്തിടെ 2000 നോട്ടിന്റെ ക്ഷാമം അനുഭവപ്പെട്ടിരുന്നു. ഇതിന്റെ അടിസ്ഥാനത്തില് സമര്പ്പിച വിവരാവകാശ േരഖയ്ക്ക് കിട്ടിയ മറുപടി എന്ന നിലയിാലാണ് വാര്ത്തകള്. അതേസമയം 2000 നോട്ട് നിരോധിച്ചെന്നും രാജ്യത്ത് പണ നിരോധനക്കാലം വീണ്ടും വരുന്നെന്നും തരത്തില് വാട്സ്ആപ്പില് പ്രചരിക്കുന്ന വാര്ത്ത വ്യാജമാണെന്നാണ് േേദശീയ മാധ്യമങ്ങളുെട റിേപ്പാര്ട്ട്.
2019 ഒക്ടോബര് 10 മുതല് 2000 നോട്ടുകള് ആര്ബിഐ അച്ചടി നിര്ത്തുന്നു എന്ന രീതിയിലും 2020 ജനുവരി 1 മുതല് 1000 ന്റെ നോട്ടുകള് വീണ്ടും പുറത്തിറക്കാന് വേണ്ടിയാണെന്ന തരത്തിലുമാണ് സാമൂഹ്യ മാധ്യമങ്ങളില് വാര്ത്ത വന്നിരിക്കുന്നത്. പത്തു ദിവസത്തേക്ക് പണം പിന്വലിക്കാനുള്ള പരിധി 50,000 ആക്കിയെന്നും 2019 ഡിസംബര് 31 കഴിഞ്ഞാല് പിന്നെ 2000 നോട്ട് മാറാനാകില്ലെന്നായിരുന്നു സന്ദേശത്തില് പറഞ്ഞത്. എന്നാല് ഇത് വ്യാജമാെണന്നാണ് ചില മാധ്യമങ്ങള് പറയുന്നത്. 500 ന്റെയും 1000 ന്റെ നോട്ടുകള് നിരോധിച്ച് 2017 ലായിരുന്നു 2000 നോട്ട് പുറത്തു വിട്ടത്.
