പ്രണയബന്ധത്തെ തുടര്ന്ന് യുവതിയോട് നാട്ടുകാരുടെ കൊടും ക്രൂരത. വീട്ടില് നിന്നും യുവതിയെ ജനക്കൂട്ടം വലിച്ചിഴച്ച് പുറത്തെത്തിച്ച ശേഷം മര്ദ്ദിച്ച് അവശയാക്കുകയും വസ്ത്രങ്ങള് നീക്കി വിവസ്ത്രയാക്കുകയുമായിരുന്നു. വെസ്റ്റ് ബംഗാളിലെ ബിര്ഭും ജില്ലയിലാണ് ഞെട്ടിക്കുന്ന സംഭവം ഉണ്ടായത്. യുവതിയെ നഗ്നയാക്കിയ ശേഷം ഗ്രാമത്തിന് ചുറ്റും നടത്തിക്കുകയും ചെയ്തു.
യുവതിയെ ആക്രമിച്ചതില് അധികവും സ്ത്രീകളായിരുന്നു എന്നുള്ളതാണ് ഞെട്ടിക്കുന്ന വിവരം. യുവതി ഒരാളുമായി പ്രണയത്തിലായിരുന്നുവെന്നും ഇരുവരും 2011ല് ഒളിച്ചോടിയെന്നും ഗ്രാമവാസികള് പറയുന്നു. കഴിഞ്ഞ ഇടയ്ക്ക് യുവതി തിരികെ എത്തിയെന്നും ഇത് അരുതാത്ത ബന്ധമായിരുന്നെന്നും ഗ്രാമവാസികള് ആരോപിക്കുന്നു.
സംഭവത്തിന്റെ വീഡിയോ സോഷ്യല് മീഡിയകളില് പ്രചരിക്കുന്നുണ്ട്.
