പാലക്കാട്: തണ്ടര്ബോള്ട്ടുമായി നടന്ന ഏറ്റുമുട്ടലില് കൊല്ലപ്പെട്ട മാവോയിസ്റ്റ് നേതാക്കളുടെ പോസ്റ്റുമാര്ട്ടം ഇന്ന് തൃശൂര് മെഡിക്കല് കോളേജില് നടക്കും. ഏറ്റുമുട്ടലില് രക്ഷപ്പെട്ട മാവോയിസ്റ്റുകള്ക്കായുള്ള തെരച്ചിലും ഇന്ന് തുടരും. അട്ടപ്പാടിയില് മഞ്ചിക്കണ്ടി വനത്തിലായിരുന്നു രണ്ടു ദിവസമായി ഏറ്റുമുട്ടല് നടന്നത്. നാലു മാവോയിസ്റ്റുകളാണ് ഇതുവരെ കൊല്ലപ്പെട്ടത്. ഇന്നലൊയിരുന്നു മണിവാസകം എന്നയാള് കൊല്ലപ്പെട്ടത്.
കാര്ത്തി, ശ്രീമതി, സുരേഷ് എന്നിവര് തിങ്കളാഴ്ച നടന്ന ഏറ്റുമുട്ടലില് മരണമടഞ്ഞിരുന്നു. ഏറ്റുമുട്ടല് നടന്ന പരിസരത്ത് ഇനിയും മൂന്ന് പേര് കൂടിയുണ്ടെന്നാണ് കരുതുന്നത്. ഇന്നലെ മാവോയിസ്റ്റുകളുടെ ക്യാമ്പില് നിന്നും എകെ 47 ഉള്പ്പെടെയുള്ള തോക്കുകളും വെടിക്കോപ്പുകളും കണ്ടെത്തിയിരുന്നു. തുടര്ന്ന്, മൃതദേഹങ്ങള് നക്സെലെറ്റ് മുന്നേതാവ് മുണ്ടുര് രാവുണ്ണി ഏറ്റുവാങ്ങും.
മരിച്ചവരുടെ ബന്ധുക്കള് നാളെ മെഡിക്കല് കോളജില് എത്തുമെന്നാണു സൂചന. എ.സി.പിമാരായ ഷംസുദീന്, ബിജു ബാസ്കര്, പേരാമംഗലം സി.ഐ. രാജേഷ് കെ. മേനോന്, ഷൊര്ണൂര് സി.ഐ. എന്നിവരുടെ നേതൃത്വത്തില് നൂറോളം പോലീസുകാര് ആശുപത്രി പരിസരത്തുണ്ട്. കൊല്ലപ്പെട്ട കാര്ത്തിയുടെ മൃതദേഹം ഏറ്റെടുക്കാന് സന്നദ്ധത പ്രകടിപ്പിച്ച് മാതാവ് കത്ത് നല്കിയിട്ടുണ്ട്.
