ദാമന്: അരമണിക്കൂറോളം ദൈര്ഘ്യമുള്ള ലൈംഗിക വീഡിയോ പ്രചരിച്ചതിനെ തുടര്ന്ന് ബിജെപി നേതാവ് പാര്ട്ടിയില് നിന്നും രാജിവെച്ചു. കേന്ദ്രഭരണ പ്രദേശമായ ദാമന്, ദിയുവിലെ ബിജെപി അദ്ധ്യക്ഷനും മുന് എംപിയുമായ ഗോപാല് ടന്ഡേലാണ് വിവാദത്തില് പെട്ടിരിക്കുന്നത്. വീഡിയോ ദൃശ്യങ്ങള് സാമൂഹ്യമാധ്യമങ്ങളിലുടെ പ്രചരിച്ചത് ശ്രദ്ധയില് പെട്ടതിന് പിന്നാലെ തന്നെ ദേശീയാദ്ധ്യക്ഷന് അമിത് ഷായ്ക്ക് ഗോപാല് രാജിക്കത്ത് സമര്പ്പിക്കുകയായിരുന്നു എന്നാണ് വിവരം.
ഗോപാലിന്റെ മുഖസാദൃശ്യമുള്ളയാളുടെ നഗ്നതാപ്രദര്ശനം ഉള്പ്പെടെയുള്ള ദൃശ്യങ്ങള് 36 മിനിറ്റോളം നീണ്ടതാണ്. എന്നാല് വീഡിയോ വ്യാജമാണെന്നാണ് ഗോപാലിന്റെ പ്രതികരണം. തന്റെ രാഷ്ട്രീയ എതിരാളികള് ചമച്ച വീഡിയോയാണ് ഇതെന്നും ഗോപാല് പറയുന്നു. കോണ്ഗ്രസിന്റെയും എന്സിപിയുടെയും പ്രവര്ത്തകനായിരുന്ന ഗോപാല് നാലു വര്ഷം മുമ്പാണ് ബിജെപിയില് എത്തിയത്. ബിജെപി അദ്ധ്യക്ഷനായി നിയോഗിതനായ ഗോപാലിന്റെ കാലാവധി ഉടന് അവസാനിക്കാനിരിക്കെയാണ് വിവാദങ്ങളെ തുടര്ന്ന് രാജി വെയ്ക്കേണ്ടി വന്നത്.
അതേസമയം വീണ്ടും അദ്ധ്യക്ഷ സ്ഥാനത്തേക്ക് എത്താതിരിക്കാന് ബിജെപിയിലെ തന്നെ എതിരാളികളാണ് വീഡിയോ പുറത്തു വിട്ടതെന്ന ആരോപണവും ഇദ്ദേഹം നടത്തുന്നുണ്ട്. തന്റെ മുഖം നഗ്നതാപ്രദര്ശനം നടത്തുന്ന യുവതിക്കൊപ്പം മോര്ഫ് ചെയ്ത് ഉണ്ടാക്കിയതാണെന്നും ഗോപാല് പറയുന്നു. അതേസമയം രണ്ടു കൊല്ലമെങ്കിലും പഴക്കമുള്ള വീഡിയോയാണ് ഇതെന്നാണ് സൂചന. ഗോപാലിന്റെ രാഷ്ട്രീയ എതിരാളികള് അത് പൊടിതട്ടിയെടുക്കുകയായിരുന്നത്രേ.
തനിക്കെതിരേ വീഡിയോ ഇറക്കിയ ബിജെപി നേതാക്കളുടെ പേര് പോലീസിന് നല്കിയ പരാതിയില് ഇദ്ദേഹം പറഞ്ഞിട്ടുണ്ട്. ഇക്കാര്യത്തില് ഉടന് കൂടുതല് വെളിപ്പെടുത്തല് നടത്തുമെന്നും പറയുന്നു. അറുപത്തഞ്ചു കാരനായ ഗോപാല് 1987 ല് കോണ്ഗ്രസ് സ്ഥാനാര്ത്ഥിയായി മത്സരിച്ചാണ് ലോക്സഭയില് എത്തിയത്. 1989 ലും 1991 ലും തോല്ക്കുകയും ചെയ്തിരുന്നു. 1996 ല് വീണ്ടും ജയിച്ചെങ്കിലും പിറ്റേവര്ഷം കോണ്ഗ്രസ് വിട്ട് എന്സിപിയുടെ ഭാഗമാകുകയായിരുന്നു. പിന്നീടാണ് ബിജെപിയില് എത്തിയത്.
