മലയാളികള്ക്ക് നിരവധി ഹിറ്റുകള് സമ്മാനിച്ച സംവിധായകനാണ് ഫാസില്. പിതാവ് സംവിധാന പാതയില് മുന്നേറിയപ്പോള് മക്കളായ ഫഹദും ഫര്ഹാനും അഭിനയത്തിലേക്കാണ് ശ്രദ്ധ കേന്ദ്രീകരിച്ചത്. എന്നാല് ഫാസിലിന്റെ മക്കളായ ഫഹദിനേക്കാളും ഫര്ഹാനെക്കാളും മുന്പ് തന്നെ സിനിമയില് അരങ്ങേറിയ മറ്റൊരാള് ആ കുടുംബത്തിലുണ്ട്. അതാണ് ഫാസിലിന്റെ മകളായ ഫാത്തിമ ഫാസില്.
സഹോദരങ്ങള്ക്ക് മുന്പ് തന്നെ ഒരു മമ്മൂട്ടി ചിത്രത്തിലാണ് ഫാത്തിമ ഫാസില് ആദ്യമായി അരങ്ങേറ്റം കുറിച്ചത്. 1987-ല് പുറത്തിറങ്ങിയ 'മണിവത്തൂരിലെ ആയിരം ശിവരാത്രികള്' എന്ന ചിത്രത്തില് സുഹാസിനിയുടെ കുട്ടിക്കാലമായിരുന്നു ഫാത്തിമ അവതരിപ്പിച്ചത്. ഫാസില് സംവിധാനം ചെയ്ത ചിത്രമായിരുന്നു ഇത്. ഫാസില് സംവിധാനം ചെയ്ത കൈയെത്തും ദൂരത്ത് എന്ന ചിത്രത്തിലൂടെയാണ് ഫഹദും സിനിമയിലേക്ക് എത്തിയത്. രാജീവ് രവി സംവിധാനം ചെയ്ത് 2014-ല് റിലീസ് ആയ ഞാന് സ്റ്റീവ് ലോപസ് എന്ന സിനിമയിലൂടെ ആയിരുന്നു ഫര്ഹാന് ഫാസില് മലയാള സിനിമയിലേക്ക് എത്തിയത്.
