മലപ്പുറം: നിലമ്പൂരില് തൂങ്ങിമരിച്ച ബി.എസ്.എന്.എല് കരാര് ജീവനക്കാരന് രാമകൃഷ്ണനു നിലവില് ലഭിച്ചിരുന്ന ദിവസവേതനം നൂറു രൂപയില് താഴെ. കരാര് ജീവനക്കാര്ക്കു കഴിഞ്ഞ ഒമ്പത് മാസമായി ശമ്പളം ലഭിക്കുന്നില്ല. ശമ്പളം പകുതിയിലേറെ കുറച്ചിട്ടുമുണ്ട്.
നിലവില് ഒന്നിടവിട്ട ദിവസങ്ങളിലായി തൊഴില് കുറയ്ക്കുകയും ചെയ്തിരുന്നു. മുപ്പതു വര്ഷമായി നിലമ്പൂരിലെ ബി.എസ്.എന്.എല്. ഓഫീസില് ജോലി ചെയ്തു വരികയായിരുന്നു വണ്ടൂര് കാഞ്ഞിരംപാടം മച്ചിങ്ങാപ്പൊയിലില് കുന്നത്ത് വീട്ടില് രാമകൃഷ്ണന്. കരാര് തൊഴിലാളികളില് കുറച്ചുപേരെ ഏതാനും മാസം മുമ്പു പിരിച്ചുവിട്ടിരുന്നു.അവരെ തിരിച്ചെടുക്കണമെന്നതുള്പ്പെടെ വിവിധ ആവശ്യങ്ങളുന്നയിച്ച് മലപ്പുറത്ത് ബി.എസ്.എന്.എല്. ജനറല് മാനേജരുടെ ഓഫീസിനു മുന്നില് നടത്തിവരുന്ന സമരത്തിന്റെ 131-ാം ദിവസമാണ് കരാര് ജീവനക്കാരന് ജീവിക്കാന് വഴിയില്ലാതെ ആത്മഹത്യ ചെയ്തത്. തൊഴില്സംബന്ധമായ പ്രശ്നങ്ങളും ജീവിതപ്രയാസങ്ങളും രാമകൃഷ്ണന് പറഞ്ഞിരുന്നതായി സഹോദരന് ശിവശങ്കരന് പറഞ്ഞു.
മുമ്പു എട്ടു മണിക്കൂര് ജോലി സമയമുണ്ടായിരുന്നത് രണ്ടു മണിക്കൂറാക്കി ചുരുക്കിയിരുന്നു. 6000 രൂപയോളം മാസവേതനം ലഭിച്ചിരുന്നിടത്ത്ഇപ്പോള് 2266 രൂപ മാത്രമാണ് ഒരു മാസം കിട്ടുന്നത്. ഉയര്ന്ന ഉദ്യോഗസ്ഥര് സ്ഥലത്തെത്തണമെന്നാവശ്യപ്പെട്ട് കരാര് ജീവനക്കാരുടെ സംഘടനയായ കാഷ്വല് കോണ്ട്രാക്ട് ലേബേഴ്സ് യൂണിയന് പ്രവര്ത്തകരും ഡി.െവെ.എഫ്.ഐ, സി.ഐ.ടി.യു പ്രവര്ത്തകരും മൃതദേഹം താഴെയിറക്കുന്നതു തടഞ്ഞു. ഉച്ചയോടെ മലപ്പുറത്തുനിന്നു ബി.എസ്.എന്എല്. ഡെപ്യൂട്ടി മാനേജര്മാരായ എ.എസ്.രാജു, ആര്.പാല്വണ്ണന്, ടി. രാധാകൃഷ്ണന് എന്നിവരെത്തി ചര്ച്ച നടത്തിയാണ് മൃതദേഹം നിലമ്പൂര് ജില്ലാ ആശുപത്രിയിലേക്കു മാറ്റിയത്.
രാധാകൃഷ്ണന്റെ കുടുംബത്തെ സഹായിക്കാനുള്ള ഉത്തരവാദിത്വം തങ്ങള്ക്കുണ്ടെന്നു ഡെപ്യൂട്ടി മാനേജര്മാര് അറിയിച്ചു. ഇതിനായി മേലുദ്യോഗസ്ഥര്ക്കു കത്തയയ്ക്കും. രാധാകൃഷ്ണന്റെ കുടുംബത്തിനു മാന്യമായ നഷ്ടപരിഹാരം നല്കണമെന്ന യൂണിയന് നേതാക്കളുടെ ആവശ്യം പരിഗണിക്കും.
നിലമ്പൂര് പോലീസ് ഇന്സ്പെക്ടര് സുനില് പുളിക്കലിന്റെ സാന്നിധ്യത്തില് ഡെപ്യൂട്ടി മാനേജര്മാരുമായി സി.ഐ.ടി.യു. ജില്ലാ പ്രസിഡന്റ് വി. ശശികുമാര്, സിസിഎല് യൂണിയന് നേതാക്കളായ ശ്രീധരന്, എം.എന്.മാധവന്, സി.പി.എം. നിലമ്പൂര് ഏരിയാ സെക്രട്ടറി ഇ.പദ്മാക്ഷന്, മാട്ടുമ്മല് സലീം, എന്.വേലുക്കുട്ടി, ഇ.എന്.മോഹന്ദാസ്, കെ.റഹീം തുടങ്ങിയവര് ചര്ച്ച നടത്തി. കരാര് തൊഴിലാളികളും ഡി.െവെ.എഫ്.ഐ. പ്രവര്ത്തകരും നിലമ്പൂര് ബി.എസ്.എന്.എല്. ഓഫീസിനു മുന്നില് ധര്ണയും ടൗണിലേക്കു പ്രകടനവും നടത്തി.
ഇന്നലെ രാവിലെ ഒന്പതരയോടെ ഓഫീസിലെത്തിയ മറ്റു ജീവനക്കാരാണ് തൂങ്ങി മരിച്ചനിലയില് കണ്ടത്. വലതു െകെയ്ക്കു സ്വാധീനക്കുറവുള്ള രാമകൃഷ്ണന് 30 വര്ഷമായി ബി.എസ്.എന്.എല്ലിലെ പാര്ട്ട് െടെം കരാര് ജീവനക്കാരനാണ്. പതിവുപോലെ ഇന്നലെ രാവിലെയെത്തി തൂത്തുവാരുന്ന ജോലി പകുതിയോളംചെയ്തിരുന്നു. ഒമ്പതോടെ സെക്യൂരിറ്റി ജീവനക്കാരന് പോയതിനു ശേഷമാണു തൂങ്ങി മരിച്ചതെന്നു കരുതുന്നു. ബി. എസ്. എന്. എല്ലിന്റെ നിലമ്പൂര് ചെറുവത്ത് കുന്നിലുള്ള എക്സ്ചേഞ്ച് കെട്ടിടത്തിലെ ഉപകരണങ്ങള് സൂക്ഷിക്കുന്ന ശീതികരിച്ച മുറിയിലാണു മുതദേഹം കണ്ടത്. നിര്മലയാണു ഭാര്യ. മക്കള്: െവെഷ്ണവ്, വിസ്മയ.
