മലയാള സിനിമയിലെ നിരവധി നായികമാര്ക്ക് ശബ്ദം നല്കിയിട്ടുള്ള ഡബ്ബിംഗ് ആര്ട്ടിസ്റ്റാണ് ശ്രീജ. ഇപ്പോള് ശ്രീജയുടെ ഒരു തുറന്നു പറച്ചിലാണ് ശ്രദ്ധേയമാകുന്നത്. ഡബ്ബിങ് ആര്ട്ടിസ്റ്റ് എന്ന നിലയില് താന് കുറെ വിഷമങ്ങള് അനുഭവിച്ചിട്ടുണ്ടെന്നാണ് ശ്രീജയുടെ വെളിപ്പെടുത്തല്. ലാല് ജോസ് സംവിധാനം ചെയ്ത ദിലീപ് ചിത്രം മീശമാധവനില് കാവ്യയ്ക്ക് ശബ്ദം നല്കിയത് ശ്രീജയായിരുന്നു. എന്നാല് ശബ്ദം നല്കി ആ കഥാപാത്രത്തെ മികച്ചതാക്കി തീര്ത്ത തന്നെ കാവ്യ പോലും മറന്നുവെന്നാണ് ശ്രീജ പറയുന്നത്.
ചിത്രത്തിന്റെ വിജയാഘോഷ ദിനത്തില് ലൈറ്റ് ബോയ് അടക്കമുള്ള എല്ലാവര്ക്കും നന്ദി പറഞ്ഞു. രുക്മിണിയ്ക്ക് ശബ്ദം നല്കി ആ കഥാപാത്രത്തെ മികച്ചതാക്കി തീര്ത്ത എന്നെ കാവ്യാ മറന്നു. പല താരങ്ങളും ഇതുപോലെ തന്നെയാണ്. ഡബ്ബിങ് ആര്ട്ടിസ്റ്റുകളെ മറന്ന് പോകാറാണ് പതിവ്. എന്നാല് ആ വേളയില് കാവ്യ ഒരു കാര്യം പറഞ്ഞതില് ഞാന് സന്തോഷിക്കുന്നു. ആരാധകര് കരുതിയത് തന്റെ ശബ്ദം തന്നെയായിരിക്കും അത് എന്നാണ്. അവിടെയാണ് ഒരു ഡബ്ബിങ് ആര്ട്ടിസിറ്റിന്റെ വിജയവും. എന്നാല് ഈ കാരണത്താല് കാവ്യയ്ക്ക് പിന്നീട് ശബ്ദം നല്കില്ല എന്നൊന്നും ഞാന് തീരുമാനിച്ചിട്ടില്ല. സംവിധായകര് പറയുന്ന താരങ്ങള്ക്ക് ശബ്ദം കൊടുക്കുമെന്നും ശ്രീജ പറഞ്ഞു.
