ദുബായ് : പന്തില് കൃത്രിമം കാട്ടിയ വിന്ഡീസ് താരം നിക്കോളാസ് പുരാനെ രാജ്യാന്തര ക്രിക്കറ്റ് കൗണ്സല് സസ്പെന്ഡ് ചെയ്തു. അഫ്ഗാനിനെതിരെ നടന്ന മൂന്നാം ഏകദിന മത്സരത്തിലാണ് സംഭവം. പന്തിന്റെ സ്വാഭാവിക അവസ്ഥയില് നിന്ന് ബോധപൂര്വ്വം വ്യതിയാനം വരുത്തിയതിനാണ് പുരാനെതിരെ നടപടി. നാല് മത്സരങ്ങളിലാണ് വിലക്ക് ഏര്പ്പെടുത്തിയിരിക്കുന്നത്.
കഴിഞ്ഞ് ദിവസം നടന്ന മൂന്നാം ഏകദിനത്തിലാണ് പുരാന് പെരുവിരലിന്റെ നഖമുപയോഗിച്ച് പന്തില് ചുരണ്ടുന്നതിന്റെ വീഡിയോ പ്രചരിച്ചിരുന്നു. ഇതിന് പിന്നാലെയാണ് ഐസിസി സസ്പെന്ഡ് ചെയ്തത്. പുരാന്റെ പേരില് അഞ്ച് ഡീമെറിറ്റ് പോയിന്റും ചുമത്തി. എന്നാല് പരമ്പര വിന്ഡീസ് തൂത്തുവാരി.
എന്നാല് പുരാന് വിന്ഡീസിന്റെ അടുത്ത നാല് ടി20 മത്സരത്തില് പങ്കെടുക്കാന് കഴിയില്ല. ഐസിസിയുടെ പെരുമാറ്റച്ചട്ടത്തിലെ ആര്ട്ടിക്കിള് 2.1.4 ലംഘിച്ചതിനാണ് നാലു മത്സരങ്ങളില്നിന്ന് വിലക്കിയത്. ലെവല് 3 കുറ്റമാണ് പുരാന് ചെയ്തതെന്ന് ഐസിസി കണ്ടെത്തി. ഇതിന്റെ പേരില് ലഭിച്ച നാല് സസ്പെന്ഷന് പോയിന്റുകള് ഫലത്തില് അഞ്ച് ഡീമെറിറ്റ് പോയിന്റുകളായി പുരാന്റെ പേരില് രേഖപ്പെടുത്തും. നാല് സസ്പെന്ഷന് പോയിന്റുകള് രണ്ട് ടെസ്റ്റില്നിന്നോ നാല് ഏകദിന/ട്വന്റി20 മത്സരങ്ങളില്നിന്നോ താരത്തെ വിലക്കാന് പര്യാപ്തമാണ്. ചട്ടലംഘനം നടത്തുന്ന താരത്തിന്റെ ടീം ആദ്യം കളത്തിലിറങ്ങുന്ന മത്സരം ഏതാണോ അതനുസരിച്ചാണ് വിലക്കിന്റെ സ്വഭാവം തീരുമാനിക്കുക.
പുരാന്റെ കാര്യത്തില് വെസ്റ്റിന്ഡീസിന്റെ അടുത്ത മത്സരം അഫ്ഗാനിസ്ഥാനെതിരായ മൂന്നു മത്സരങ്ങളടങ്ങിയ ട്വന്റി20 പരമ്പരയാണ്. അതിനുശേഷം ഇന്ത്യയ്ക്കെതിരായ ട്വന്റി20 പരമ്പര. ഫലത്തില് അഫ്ഗാനെതിരായ പരമ്പര പുരാന് പൂര്ണമായും നഷ്ടമാകും. ഇന്ത്യയ്ക്കെതിരായ ആദ്യ ട്വന്റി20യിലും പുരാന് കളത്തിലിറങ്ങാനാകില്ല.
Hmm... 🤔#MeninMaroon #AFGvWI #AfgvsWI #WIvAFG @ACBofficials @windiescricket pic.twitter.com/my9MNjTkQI
— Paulami Chakraborty (@Polotwitts) November 11, 2019
