മലയാളത്തിന്റെ ആക്ഷന് ഹീറോ ജയന് മരിച്ചിട്ട് ഇന്ന് 39 വര്ഷം തികയുന്നു. ഷൂട്ടിംഗിനിനെ സംഭവിച്ച അപകടത്തിലായിരുന്നു ജയന്റെ ദാരുണമായ അന്ത്യം. ജയന് സിനിമയേയും സിനിമ ജയനേയും അന്തമായി സ്നേഹിച്ചിരുന്നു. വേഷത്തിലും ഭാവത്തിനും ജയനേ പോലെ സ്വാധീനിച്ച മറ്റൊരു നടനുണ്ടാകില്ല.
അതേസമയം ഈ പ്രതിഭയോടുള്ള സ്നേഹം ഇന്ന് വാക്കുകളായി മാത്രം ഒതുങ്ങിയിരിക്കുകയാണ്. ജയന്റെ ജന്മനാട്ടില് ഇന്ന് അദ്ദേഹത്തിന്റേതായി ഒന്നുമില്ല. കഴിഞ്ഞ ദിവസം പ്രേമാനന്ദ് എം അനന്ദന് എന്ന മാധ്യമ പ്രവര്ത്തകന് ഫേസ്ബുക്കില് പങ്കുവച്ച കുറിപ്പ് ഇത് തെളിയിക്കുന്നതാണ്. ജയന്റെ വീട് നിന്നിരുന്ന സ്ഥലത്ത് പുതിയ കെട്ടിടം വന്നതായി കുറിപ്പില് പറയുന്നു.
'കഴിഞ്ഞ ദിവസം കൊല്ലം തേവള്ളി ഓലയിലുള്ള നടന് ജയന്റെ കുടുംബ വീട്ടില് പോയപ്പോഴാണ് 4 മാസം മുന്പ് വീട് പൊളിച്ചു മാറ്റിയ വിവരം പരിസരത്തെ കടക്കാര് പറഞ്ഞത്. ജയന്റെ ഈ പ്രതിമയ്ക്ക് തൊട്ടു പിന്വശത്തെ മതില്ക്കെട്ടിലായിരുന്നു ജയന്റെ വീട്. എല്ലാ വര്ഷവും നവംബര് 16ന് കേരളത്തിന്റെ വിവിധ ഭാഗങ്ങളില് നിന്ന് ആരാധകര് ചരമവാര്ഷിക ദിനത്തില് ഇവിടെ എത്താറുണ്ട്. ഇക്കൊല്ലം അവര്ക്ക് കാണാന് ആ വീടില്ല. നാണി മെമ്മോറിയല് ആശുപത്രി വാങ്ങിയവര് പുതിയ കെട്ടിട നിര്മാണത്തിനായി അത് പൊളിച്ചു മാറ്റി. പക്ഷേ സാധാരണക്കാരായ മലയാളിയുടെ മനസില് നിന്ന് ജയനെ മാറ്റാന് പറ്റുമോ?....(1980 നവംബര് 16 നായിരുന്നു അന്ത്യം)' എന്ന കുറിപ്പിന്റെ കൂടെ അവിടെ നിന്നുള്ള ചിത്രങ്ങളും അദ്ദേഹം പങ്കുവെച്ചിട്ടുണ്ട്.
