കോട്ടയം: ''തുണ''യ്ക്കു പിന്നാലെ ജനങ്ങള്ക്കു കൂടുതല് സൗകര്യപ്രദമായി ''ആളില്ലാ പോലീസ് സ്റ്റേഷന്'' വരുന്നു. നടപടികള് വേഗത്തിലാക്കി ആഭ്യന്തര വകുപ്പ്. ഉദ്യോഗസ്ഥരെ നേരില് കാണാതെതന്നെ പരാതി നല്കാമെന്നതാണ് ആളില്ലാ പോലീസ് സ്റ്റേഷനുകളുടെ( വെര്ച്വല് പോലീസ് സ്റ്റേഷന്) സവിശേഷത.
പൊതുജനങ്ങള്ക്ക് പോലീസ് സ്റ്റേഷനില് സ്ഥാപിച്ചിട്ടുള്ള ടച്ച് സ്ക്രീന് കിയോസ്കുകള് വഴി തങ്ങളുടെ പരാതി സമര്പ്പിക്കാം. ഇവ സെര്വറുകള് മുഖാന്തരം അടുത്തുള്ള പോലീസ് സ്റ്റേഷനിലേക്കോ കണ്ട്രോള് റൂമിലേക്കോ എത്തിച്ചേരും. പരാതി രജിസ്റ്റര് ചെയ്തതിനു തെളിവായി പരാതിക്കാരന്റെ ഫോണിലേക്കു സന്ദേശമെത്തും. സംസ്ഥാനത്ത് ആളില്ലാ െഹെടെക് പോലീസ് സ്റ്റേഷന് സ്ഥാപിക്കാനുള്ള നടപടി പുരോഗമിക്കുകയാണെന്ന് ആഭ്യന്തര വകുപ്പ് അധികൃതര് വ്യക്തമാക്കി. ഇവ 24 മണിക്കൂറും പ്രവര്ത്തന സജ്ജമായിരിക്കും.
ദുബായ് പോലീസിന്റെ ആളില്ലാ സ്റ്റേഷനുകളുടെ മാതൃക സ്വീകരിച്ചാണു പദ്ധതി നടപ്പാക്കുക. സെപ്റ്റംബറില് രാജ്യാന്തര െസെബര് സുരക്ഷാ സമ്മേളനമായ ''കൊക്കൂണി''ല് വെച്ചു ഡി.ജി.പി. ലോക്നാഥ് ബെഹ്റയാണ് ആളില്ലാ പോലീസ് സ്റ്റേഷനുകള് സ്ഥാപിക്കുമെന്നു പ്രഖ്യാപിച്ചത്. ഇതു സംബന്ധിച്ച റിപ്പോര്ട്ട് ആഭ്യന്തര വകുപ്പിനു െകെമാറിയതോടെ നടപടികള് ഊര്ജിതമായി. സംസ്ഥാന സര്ക്കാര് നടപ്പാക്കിയ ''തുണ'' സിറ്റിസണ് പോര്ട്ടലിനു പുറമെയാണ് ആളില്ലാ പോലീസ് സ്റ്റേഷനുകള് നടപ്പാക്കുന്നത്.
അതേ സമയം ''തുണ'' പോര്ട്ടലിനു വേണ്ടത്ര പ്രചാരണം നല്കുന്നില്ലെന്നു വിമര്ശനമുണ്ട്. ഇതു മൂലം വിരല്ത്തുമ്പില് ലഭിക്കുന്ന സേവനത്തിനായി പോലീസ് സ്റ്റേഷനുകളില് കയറിയിറങ്ങേണ്ട അവസ്ഥയിലാണു ജനം. സംസ്ഥാനത്തെ സ്റ്റേഷനിലേക്കും ഓണ്െലെനായി പരാതിയും വിവരങ്ങളും നല്കാന് ''തുണ'' വെബ് പോര്ട്ടലിലുടെ സാധിക്കും.
ഓണ്െലെന് പരാതികളുടെതത്സ്ഥിതി അറിയാനും രജിസ്റ്റര് ചെയ്ത കേസുകളുടെ എഫ്.ഐ.ആര്. പകര്പ്പ് ലഭിക്കാനും പോലീസ് വേരിഫിക്കേഷന് സര്ട്ടിഫിക്കറ്റിന്അപേക്ഷിക്കാനും ഈ െസെറ്റിലൂടെ കഴിയും. സംശയകരമായ സാഹചര്യങ്ങളില് കാണപ്പെടുന്ന വസ്തുക്കള്, സംഭവങ്ങള് എന്നിവയെക്കുറിച്ചു പോലീസിനു രഹസ്യവിവരങ്ങളും ഓണ്െലെനായി െകെമാറാം. നിയമങ്ങളും ചട്ടങ്ങളും സംബന്ധിച്ച സംശയങ്ങള് തീര്ക്കാന് ഓണ്െലെന് െലെബ്രറി സംവിധാനവും പോര്ട്ടലിലുണ്ട്. വെബ് െസെറ്റിലൂടെ ലഭിക്കുന്ന പരാതികളും അപേക്ഷകളും സമയബന്ധിതമായി തീര്പ്പാക്കുമെന്നാണു പോലീസിന്റെ വാഗ്ദാനം.
