ഗീതു മോഹന്ദാസ് സംവിധാനം ചെയ്ത് നിവിന് പോളി കേന്ദ്ര കഥാപാത്രമായ ചിത്രം മൂത്തോന് തിയേറ്ററുകളില് മികച്ച പ്രതികരണമാണ് നേടിക്കൊണ്ടിരിക്കുന്നത്. സ്വവര്ഗ പ്രണയം വിഷയമാകുന്ന ചിത്രം ഗീതുവിന്റെ കരിയറിലെ തന്നെ മികച്ച ചിത്രം കൂടിയാണ്. 20 വര്ഷം മുന്പ് ആത്മഹത്യ ചെയ്ത ഉറ്റ സുഹൃത്തും സ്വവര്ഗ പ്രണയിയുമായ മൈക്കിലിനു വേണ്ടിയാണ് താന് മൂത്തോന് ചെയ്തതെന്ന് വെളിപ്പെടുത്തുകയാണ് ഗീതു മോഹന്ദാസ്.
എറണാകുളം ദര്ബാര് ഹാള് ഗ്രൗണ്ടില് സംഘടിപ്പിച്ച പത്താമത് ക്വീര് പ്രൈഡ് മാര്ച്ചിന്റെ സാംസ്കാരിക പരിപാടിയില് സംസാരിക്കുകയായിരുന്നു ഗീതു. ''മൈക്കിള് ഭയപ്പെടുകയും നിശ്ശബ്ദനാക്കപ്പെടുകയുമായിരുന്നു. അവനു വേണ്ടി ഒന്നും ചെയ്യാനായില്ലെന്ന കുറ്റബോധം എന്നെ വേട്ടയാടിയിരുന്നു. അവനു വേണ്ടിയുള്ള ശബ്ദമാണ് മൂത്തോന്. നിങ്ങള്ക്ക് ഓരോരുത്തര്ക്കും വേണ്ടിയുള്ള ചിത്രം കൂടിയാണിത്,'' - സദസിലിരിക്കുന്ന എല്.ജി.ബി.ടി.ക്യു വിഭാഗത്തോട് സംസാരിക്കവേ ഗീതു പറഞ്ഞു.
